Во брак е 18 години, неговите родители се втори братучеди – кој е Пол Рад, најсекси мажот за 2021-ва според магазинот People?

Детали

среда, 10 ноември 2021

Познат е по одличната смисла за хумор, во брак е од 2003 година, има две деца и воопшто не се гледа себеси како многу познат или многу секси маж – факти за Пол Рад, актерот што беше избран за најсекси маж за 2021 година од магазинот People.

Оние кои ја гледале серијата Friends, го знаат Пол Рад како момчето, а потоа и сопругот на Фиби, а за фановите на Марвел, актерот е најдобро познат по улогата на Ant-man.

Сега Пол Рад е одбран и за најсекси маж за 2021 година од страна на магазинот People.

Иако јавноста беше убедена дека годинава титулата ќе ја понесе Крис Еванс, од магазинот изненадија со изборот, а дури и на самиот Пол му било тешко да ја прифати реалноста.

„Доволно сум свесен за да знам дека кога луѓето ќе слушнат дека јас сум избран за најсекси маж, ќе речат ’Што?‘

Ова не е лажна скромност, има многу други мажи што треба да ја добијат оваа титула пред мене“, вели 52-годишниот актер во интервјуто за People.

Со филмовите на Марвел, славата на Пол достигна завидно ниво, но тој вели дека и покрај сите придобивки од тоа, најсреќен е во домот со неговата сопруга Џули и нивните деца Џек и Дерби.

„Се гледам себеси како сопруг и татко. Кога не работам, се дружам само со семејството. Тоа е она што го сакам најмногу“.

Актерот открива дека единствено неговата сопруга знаела дека тој е избраникот, пред магазинот да ги сподели вестите со јавноста.

„Беше запрепастена. Но, беше многу слатка. Откако се изнасмеа, ми рече дека биле во право. Сигурно ме лажеше, но што друго може да ми рече?“

На шега, за People, Пол вел дека се надева дека сега конечно ќе има можност да се дружи со најсекси мажите на планетата кои претходно биле избрани од магазинот.

„Се надевам дека сега конечно ќе бидам поканет на некоја секси вечера со Џорџ Клуни и Бред Пит. Мислам и дека почесто ќе одам на јахти. Сметам дека оваа титула ќе ми помогне да станам и помистериозен. Едвај го чекам тоа“, се шегува актерот.

Но, што знаеме всушност за Пол Рад и како ја освои публиката?

Неговите родители се втори братучеди

Родителите на Пол потекнуваат од Британија, но тој е роден во САД во 1969 година. Дури во 2019 година актерот дознал дека неговите родители се всушност втори братучеди.

Нормално, бил изненаден од ова откритие, но веднаш ја покажал одличната смисла за хумор изјавувајќи:

„Дали ова значи дека мојот син е и мој чичко?“

Се проби со улогата во Clueless

Во култниот тинејџерски филм во 1995 година, Пол ја доби првата голема улога која му го поплочи патот до Холивуд.

Со одличната изведба и неговиот шарм, Пол веднаш ја освои јавноста, а неговиот талент не остана незабележан, па набрзо актерот почна да добива улоги во поголеми проекти, најчесто комедии.

Повеќе факти на следната страница...