Кејт Мидлтон доминира со кралска елеганција во гламурозна, златна тоалета на премиера на Џејмс Бонд (фото)

Детали

среда, 29 септември 2021

Кејт Мидлтон го „украде“ целото внимание на премиерата на новиот филм за Џејмс Бонд – No Time to Die – со долгиот златен фустан достоен за кралица. Војвотката присуствуваше со сопругот принцот Вилијам, како и принцот Чарлс и Камила.

По одложување од речиси цела година, последното продолжение на филмскиот серијал за Џејмс Бонд конечно ја доживеа својата премиера во Ројал Алберт Хол.

Покрај многуте холивудски ѕвезди, на премиерата присуствуваше и принцот Вилијам, заедно со Кејт Мидлтон која го „украде“ целото внимание.

Војвотката се појави во долг златен фустан и златни чевли, а комбинацијата ја дополнила со впечатливи златни обетки. Принцот Вилијам, пак, носеше црно одело со бела кошула и машна.

Кралскиот пар се поздрави со ѕвездата на вечерта – Даниел Крег – а според присутните, актерот останал без зборови кога ја здогледал Кејт и ѝ рекол дека изгледа прекрасно.

И 52-годишниот актер одбрал интересна комбинација за премиерата – црни панталони, розово сако и бела кошула со црна машна.

Покрај Вилијам и Кејт, на настанот присуствуваа принцот Чарлс и неговата сопруга Камила. 

No Time to Die е 25-тиот филм од серијалот за Џејмс Бонд, но и последното продолжение во кое се појавува Даниел Крег.

Премиерата на филмот најпрво беше закажана во ноември 2019 година, а потоа во април 2020-та, но поради пандемијата беше одложена за повеќе од една година.

Кејт и Вилијам на премиерата на No Time to Die:

• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело