„Татко ми ми се заканува дека ќе ми ги земе децата“ – Разговори помеѓу Бритни и адвокатот откриени во нов документарец
- Детали
- петок, 24 септември 2021
Наскоро ќе биде објавен уште еден документарец за Бритни Спирс и судската битка со нејзиниот татко, а овојпат ќе имаме можност да слушнеме и телефонски разговори помеѓу Бритни и нејзините адвокати кои откриваат дека пејачката се плашела дека ќе ѝ забранат да си ги гледа децата.
По Framing Britney Spears, наскоро ќе имаме можност да погледнеме уште еден документарец за трауматичното минато на Бритни Спирс, овојпат во продукција на Нетфликс.
Документарецот насловен Britney vs. Spears премиерно ќе биде прикажан на платформата Нетфликс на 28 септември, односно само еден пред сослушувањето со кое ќе се одлучи дали нејзиниот татко ќе биде тргнат од позицијата легален старател.
За разлика од претходниот документарец, Britney vs. Spears повеќе ќе се фокусира на борбата на Бритни против нејзиниот татко, а наводно во него нема да бидат прикажани фотографии за кои пејачката има изјавено дека се потресни.
Односно, нема да гледаме снимки и фотографии од моментот кога Бритни си ја избричи главата и други стресни мигови од нејзиниот живот.
„Самата одлучив дека нема да споделуваме фотографии за кои пејачката има изјавено дека се трауматични. Инцидентите што се случија во 2007 за време на нејзиниот престој во болница – никогаш нема да ги видите тие снимки и фотографии“, сподели режисерката на документарецот Ерин Ли Кар.
Иако Бритни нема да дава интервју за документарецот, ќе имаме можност да слушнеме телефонски разговори помеѓу Бритни и нејзините адвокати кои откриваат многу за нејзината положба.
Од Нетфликс споделија краток инсерт од документарецот, односно снимка од телефонски разговор помеѓу Бритни и нејзиниот адвокат.
Britney vs Spears pic.twitter.com/vpGjzzSjd8
— Netflix (@netflix) September 21, 2021
Снимката е всушност говорна порака што Бритни му ја оставила на адвокатот.
Снимката протече во јавност уште пред неколку години, благодарение на поранешниот менаџер на пејачката - Сем Луфти - кој најотоврено ја поддржува пејачката и се обидува да ја обелодени вистината за нејзиното страдање.
Во снимката од 2009 година, Бритни вели дека се јавува за процесот за елиминирање на старателството:
„Татко ми ми се закани неколкупати дека, знаете, ќе ми ги одземе децата. Само сакам да се осигурам дека сè ќе биде во ред со процесот и дека вие ќе се погрижите за сè, дека нештата ќе останат исти кога станува збор за моето старателство над децата“.
Менаџерот на Бритни има споделено неколку вакви снимки кои наводно ќе ги видиме во документарецот, заедно и со други снимки и пораки кои досега не се споделени во јавноста, како и фотки од пејачката за кои вели дека се направени од него.
Во друга снимка споделена од поранешниот менаџер можеме да слушнеме уште еден разговор од 2009 година, во кој Бритни вели:
„Само сакам да знаеш дека сакам излез од ова старателство. Ме уценуваа со забрана за посета на моите дечиња со старателството. Заробена сум, ми ги одземаа моите човечки права. И барам државата Калифорнија да го разгледа овој случај бидејќи ми се чини дека ова е нелегално“.
Hi, this is Britney Spears.Just so you know I want out of this cship. I’ve been blackmailed by visitation with my babies by the cship. I’m confined, restrained, & stripped of my civil rights. And I demand the state of California to review this case because I feel it's illegal pic.twitter.com/nxRTHueRmy
— Sam Lutfi (@SamLutfi) July 28, 2021
Во описот на објавата, менаџерот нагласува дека и 13 години од овој разговор, ништо не се променило и сите судии ги игнорирале ваквите повици на Бритни.
Во трејлерот, пак, можеме да ја слушнеме Бритни како вели:
„Работам цел мој живот. Не им должам ништо на овие луѓе“.
Во продолжение трејлерот за новиот документарец:
Спирова С. | Црнобело
Би можело да ве интересира:
Препорачуваме
Најчитани неделава
