Беше самохран татко, а стекна слава како Стенфорд во „Сексот и Градот“ – Вили Гарсон ја загуби битката со ракот
- Детали
- среда, 22 септември 2021
„Многу те сакам тато. Почивај во мир, драго ми е што имаше можност да ги споделиш сите авантури со мене и заедно успеавме да постигнеме многу“ – напиша 20-годишниот син Нејтан, по веста за смртта на неговиот татко Вили Гарсон.
Вили Гарсон познат по улогата на Стенфорд Блeч во серијата Sex and the City почина во 57-мата година од животот по подолга борба со рак на панкреасот.
Тажната вест на Инстаграм ја потврди и неговиот син Нејтан (20) кој објави повеќе фотографии од татко му и до нив напиша:
„Многу те сакам тато. Почивај во мир, драго ми е што имаше можност да ги споделиш сите авантури со мене и заедно успеавме да постигнеме многу.
Многу се гордеам со тебе. Секогаш ќе те сакам, но ти овојпат сам ќе ја продолжиш авантурата, секогаш ќе бидеш со мене.“
Вили подолго време водеше битка со ракот, но истовремено работеше и на најновото продолжение на филмот Sex and the City, насловено And just like that.
За последен пат беше фотографиран како работи заедно со неговата колешка Сара Џесика Паркер.
Колегите од филмот веднаш по веста за неговата смрт со објави на социјалните мрежи се збогуваа од него.
Освен во Sex and the City, актерот ќе остане запомнет и по улогите во сериите White Collar, Hawaii Five-O, Two and a Half man, Las Vegas, NYPD Blue…
Tој почнал да се занимава со глума уште во тинејџерските години во Actors Institute во Њујорк.
На почетокот на кариерата играл со повеќе театарски компании, а долго време пред да биде избран за улогата во Sex and the City бил пријател со Сара Џесика Паркер.
Освен што беше добар актер, тој бил одличен во покер, па така за него е познато дека е победник на првиот настан за Texas Hold 'Em во 2003-тата година.
Тој ќе остане запаметен и по големата хуманост и по тоа што бил активен член во повеќе добротворни организации како Habitat for Humanity, Joslin Diabetes Camp, Big Brothers и Young Artists United.
Вили го посвоил синот Нејтан во 2009-тата година кога момчето имало само седум години.
За него нема податоци дека некогаш бил во брак или во посериозна врска, но според податоците на Wikipedia, иако беше најпознат по улогата на хомосексуалец, сепак бил хетеросексуален.
Прочитајте и Кери и „Ѕверката“ со седи коси на снимање на „Сексот и Градот“ - колку се промени популарниот филмски пар? (фото)
Б. С. Б. | Црнобело
Би можело да ве интересира:
Препорачуваме
Најчитани неделава
