Ким Кардашијан со венчаница на промоцијата на албумот на Канје, откако тој одлучи да си го промени името (фото+видео)

Детали

петок, 27 август 2021

Ким Кардашијан и Канје Вест повторно ги разгорија гласините дека ќе ѝ дадат нова шанса на врската, откако ријалити ѕвездата се појави на промоцијата на албумот на раперот во венчаница.

За новиот албум Donda, Канје Вест организираше неколку промоции на кои имаше и сценски настапи, а на последната промоција на сцената му се придружи и поранешната сопруга Ким Кардашијан, и тоа во венчаница.

Најпрво Канје ја изненади публиката откако на сцената се појавија Мерлин Менсон и американскиот рапер DaBaby, но веројатно никој не очекувал да се појави и Ким, уште помалку во венчаница.

Ким се појави на сцената на крајот од промоцијата, со венчаница од Balenciaga, а моментот предизвика лавина реакции од присутните.

Ова, пак, повторно ги разгоре гласините дека Канје и Ким можеби ќе се обидат да му дадат уше една шанса на бракот, иако извори блиски до парот ги негираат. Наводно, тие се само во добри односи, а Ким со задоволство му помага на Канје кога има потреба од тоа.

„Ким и Канје отсекогаш се поддржувале и ќе продолжат така и во иднина, без разлика дали станува збор за соработка или нешто друго. Ким со задоволство се појави на настанот за Канје, бидејќи нему му беше важно тоа“, тврдат изворите за TMZ.

https://twitter.com/AppleMusic/status/1431126985334353921

Ким присуствуваше и на претходните настапи кои беа дел од промоцијата на новиот албум на Канје, а споделуваше и фотки на Инстаграм Стори покажувајќи ја нејзината поддршка.

За последната промоција, Канје обезбедил и околу 1.500 вакцини, а на фотките направени пред стадионот се гледа табла со натпис „Бесплатни ковид вакцини. Не е потребно закажување“.

Промоцијата се одржа само неколку денови откако раперот поднел документи за да ги го промени името од Канје Омари Вест во Је (Ye) – името што го користи на неговиот Твитер профил, како и името на еден од неговиот албуми. Во 2018 година, Канје сподели и твит, изјавувајќи:

„Порано бев Канје Вест. Јас сум Је“.

https://twitter.com/kanyewest/status/1046064289944080388

Прочитајте и  10 строги правила кои ги почитуваат членовите на семејството Кардашијан за слава

Спирова С. | Црнобело