„Јас ги барав папараците“ - Ким Кардашијан била очајна за слава + што мисли сега за нејзината секс снимка?

Детали

понеделник, 21 јуни 2021

Сакајќи да стане светски позната, Ким Кардашијан ги следела папараците за да ја фотографираат, па дури и се преправала дека купува нешто од продавница, само за да помине покрај нив. Истовремено, вели дека иако секс снимката ја направи популарна, тоа е дел од нејзиното минато што би сакала да го избрише.

Ким Кардашијан, заедно со нејзините сестри и мајка ѝ Крис Џенер, направи интервју по повод завршувањето на ријалити шоуто на популарното семејство. Во интервјуто, Ким откри дека порано била очајна за слава, па самата одела на места каде што има папараци, само за да ја фотографираат.

„Знаев точно каде се, па ако сакав да ме видат, секојпат кога бев нашминкана и со фризура за снимањето на шоуто, не одев дома да ја мијам шминката. Одев во продавница и купував нешто, дури и само леб. Што било! Некогаш одев и со празна торба!“, вели Ким за тоа како ги следела папараците.

„Некогаш се преправав дека сум заборавила нешто. ’Еј, да не си ги оставив очилата овде?‘“, продолжува 40-годишната ријалити ѕвезда.

Ким вели дека повеќе не трча по папараците за да ја фотографираат, но сега ѝ било смешно кога помислува на тоа.

„Сега можам да зборувам за ова бидејќи е многу смешно. Сметам дека луѓето треба да бидат поискрени за миговите од нивните животи кога се очајни за нешто што го сакаат“.

Пред Ким да стане мегапопуларна, редовно се дружеше и излегуваше со познати девојки, како Парис Хилтон и Линдзи Лохан со надеж дека ќе биде забележана.

Иако можеби со тоа почна да привлекува внимание, факт е дека светот дозна за неа откако беше објавена секс снимката со нејзиниот бивш партнер. Во интервјуто, пак, Ким призна дека сега посакува да може да ја „избрише“ снимката од нејзиното минато.

Кога Енди Коен, водителот што го водеше интервјуто, ја праша Ким за влијанието на снимката врз популарноста на семејството, таа изјави:

„Мислам дека сè се случува со причина и се обидувам да живеам на тој начин. И секојпат кога има нешто како луд скандал, се прашувам како можам да го надминам тоа. Секогаш има некоја лекција. Дури и ако е приватна лекција или нешто за кое не сме знаеле дека мораме да го поминеме“.

Водителот ја праша Ким и што мисли за снимката сега откако стана мајка, на што таа одговори:

„За среќа, мислам дека оттогаш поминаа многу години и се случија многу позитивни нешта кои го бришат тоа минато. Тоа е нешто со што ќе морам да живеам целиот живот. Се обидувам да не жалам за ништо, но мислам дека снимката е единственото нешто кое посакувам да не постоеше. Ако може да ја избришам која било глупава работа што ја направив во животот, веројатно тоа е снимката. Уште повеќе го сакам тоа откако станав мајка“.

Спирова С. | Црнобело