Ирина Шајк е грижлива мајка додека ја чека новата средба со Канје – Ким и Бредли сметаат дека се одличен спој

Детали

четврток, 17 јуни 2021

Додека Канје Вест е во Лос Анџелес, Ирина Шајк го минува времето со ќерката Леа во Њујорк и ја чека новата средба со раперот. Нивните бивши, пак, Ким Кардашијан и Бредли Купер, ја поддржуваат нивната романса и сметаат дека се добар спој.

Деновиве најмногу се зборува за романсата на Канје Вест и Ирина Шајк, а додека моделот ја чека новата средба со нејзината нова љубов, го минува времето со ќерката Леа.

По романтичното патување во Париз, 35-годишниот модел беше забележан на улиците низ Њујорк заедно со ќерката Леа.

Ирина носеше фармерки, црн корсет и црни чизми и врати стар тренд во мода, додека ја шеташе Леа во количка.

Моментално Канје и Ирина се разделени – според изворите, раперот планира да остане во Лос Анџелес, па со моделот имаат „врска на далечина“.

„Неговите деца живеат во Лос Анџелес. Тој е и фокусиран на неговиот бизнис таму. Но сепак сака да минува време со Ирина и планира да ја види наскоро“, вели изворот на People.

Иако претходно се појавија гласини дека Ким била повредена од Канје, особено бидејќи не го поминал роденденот со нивните деца туку со Ирина, сега изворите велат дека таа е среќна за него.

„Ким е среќна за него и сака тој да продолжи со животот. Смета дека со Ирина се одличен спој. На Ким не ѝ пречи оваа врска бидејќи виде како се однесуваше Ирина кога се раздели со Бредли“, открива изворот за Us Weekly.

Наводно, на Ким ѝ се допаѓало тоа што Ирина не зборуваше за разводот, а не би сакала нејзиниот бивши да почне врска со жена која ќе зборува сè и сешто.

Според извори блиски до раперот, иако врската со Ирина не е ништо сериозно, барем засега, хемијата помеѓу нив е повеќе од очигледна.

„Се запознаваат подобро и се забавуваат. Уште не е ништо сериозно, но навистина си се допаѓаат. Тој ја запозна на снимањето на неговиот спот во 2010-та и мислеше дека е прекрасна. Отсекогаш смета дека е посебна и има посебно место во неговиот ум“.

Наводно, и Бредли целосно ја поддржува Ирина кога станува збор за љубовта.

„Бредли има целосна поддршка за Ирина без разлика со кого таа се гледа – само сака да биде среќна. Бредли и Ирина не се во добар однос само како родители, тие се и блиски пријатели“.

Засега Канје и Ирина не планираат да ги запознаат нивните деца едни со други.

„Уште не се стигнати до таа фаза. Прерано е. Всушност, двајцата пробуваат да откријат дали оваа врска ќе трае или е само авантура“, вели извор за Us Weekly.

Спирова С. | Црнобело