Норт Вест го прослави 8-иот роденден – какво изненадување подготви Ким за ќерката?
- Детали
- среда, 16 јуни 2021
По повод 8-иот роденден на Норт Вест, Ким најави дека подготвува специјален подарок за својата првородена ќерка – таа е подготвена на сѐ за децата да не се чувствуваат лошо по разводот на родителите. Дополнително на Инстаграм имаше честитки и од останатите членови на семејството.
Ким Кардашијан го одбележа роденденот на својата прва ќерка со тоа што објави досега невидени фотографии направени во 2017-тата година од страна на Стивен Клајн, на кои можеме да ја видиме познатата ријалити ѕвезда во стилот на Џеки Кенеди.
Станува збор за фотографии од зад сцената на коишто Норт заедно со мајка ѝ позираше за фотосесијата со тематика за некогашната Прва дама на САД, направена за магазинот Interview.
Дополнително Ким најави дека подготвува специјален подарок за својата најстара ќерка, односно книга во која ќе ги собере сите нејзини фотографии.
„Норт еден ден ќе ги видиш овие пораки отпечатени за тебе во книгите што ги подготвувам за тебе и се надевам дека ќе ја почувствуваш љубовта затоа што ти носиш толку многу љубов и радост во нашите животи.
Ти си најсмешното, девојчето со најдобар стил и најкреативната личност што знае што точно сака во животот! Никогаш не сум запознала некого како тебе! Ги избрав овие фотографии од Норт и мене од фотосесијата на Стивен Клајн во стилот на Џеки О затоа што ме потсетуваат на поврзаноста помеѓу мене и Норт, а тој секогаш знае добро да ја улови емоцијата!“ – напиша Ким до фотографиите.
Освен Ким, на Инстаграм роденденот го честита и бабата Крис Џенер, која не сака нејзината внука да ја вика „баба“ туку lovey (љубов). Таа објави повеќе фотографии од најстарата ќерка на Ким и Канје.
„Среќен роденден на нашата убава Норти!!! Ти си навистина зрак светлост и го осветлуваш секој простор со својата преубава насмевка и големо срце. Ти си забавна, талентирана, умна и многу креативна! Ти си прекрасна ќерка, сестра, внука и пријател. Сакам да те гледам како растеш и секој ден сум сè погорда на тебе. Те сакам многу!!! Љубов“ – напиша таа до фотографиите.
На Инстаграм Стори роденденот го честиташе и Клои Кардашијан.
Исто така фотографии објави и Кортни Кардашијан.
Норт веќе е славно девојче. Освен тоа што е ќерка на познатата двојка, таа за првпат се појави во ријалити шоуто Keeping up With the Kardashians додека снимаше секвенци за видео-спотот на Канје Вест Only One во 2015-атата година, но и во модните ревии на нејзиниот татко Канје Вест.
Кардашијан и Канје Вест имаат уште три деца Сент (5), Чикаго (3) и Псалм (2). Инаку Ким и Канје во моментов се во процес на развод, а според пишувањата во медиумите тие најверојатно ќе имаат заедничко старателство врз децата.
Во продолжение погледнете повеќе фотографии што беа објавени по повод роденденот на Норт:
Б. С. Б. | Црнобело
Би можело да ве интересира:
Препорачуваме
Најчитани неделава
