Актерот Сет Роген: „Зошто со сопругата сме среќни што одлучивме да немаме деца?“

Детали

четврток, 20 мај 2021

„Ние сме опуштени цело време. Лежиме во саботите наутро во кревет, си уживаме и гледаме филмови голи. Ако имавме деца немаше да можеме да го правиме тоа“, вели Сет Роген.

Во неодамнешно гостување во шоуто „The Howard Stern Show“ актерот Сет Роген отворено проговори зошто тој и неговата сопруга Лорен Милер не се заинтересирани да имаат деца.

Роген постојано глуми, продуцира, а неодамна ја објави и својата прва книга, а пак неговата сопруга интензивно работи како сценарист и режисер, па Роген вели дека сфатиле дека е најдобро да немаат деца.

„Луѓето постојано се интересираат околу тоа и порано ми беше некомфорно да им одговорам на прашањето ‘Како успевате да постигнете да сработите толку работи во животот?’ Но, одговорот е ‘Немам деца, немам што друго да правам’“, изјави Сет.

Актерот додава дека неговата сопруга го има истиот став.

„Би кажал дека мојата сопруга сака деца дури уште помалку од мене. Јас можеби би можел да бидам убеден, но таа строго се држи до ставот против.“

Потоа на прашањето дали тоа што немаат деца негативно влијае на нивниот брак тој вели:

„Не познавам некој кој добива толку среќа од неговите деца, колку што ние имаме од тоа што немаме деца. Ние сме опуштени цело време. Лежиме во саботите наутро во кревет, си уживаме и гледаме филмови голи. Ако имавме деца немаше да можеме да го правиме тоа“.

Кога водителот во шоуто кажа дека кога имаш деца, тие ти стануваат приоритет, тој одговори:

„Не го сакам тоа. Не ми звучи забавно“, изјави Сет.

„И зошто? Има доволно деца. Зарем ни се потребни повеќе луѓе? Кој ја гледа планетава во моментот и мисли ‘Знаете што ни е потребно во моментов? Уште луѓе на планетава’...“, вели тој.

Што мислите вие за оваа тема?

С. С. | Црнобело