Парис Хилтон без градник, Хајди Клум по долна облека – трите дами кои беа главни на црвениот тепих на MTV наградите
- Детали
- вторник, 18 мај 2021
Парис Хилтон, Хајди Клум и Вини Харлоу освоија со гламурозниот стил на црвениот тепих на втората вечер од доделувањето на MTV Movie & TV Awards. Трите дами останаа забележани како со гламурозните тоалети, така и со внимателно избраните додатоци.
Богатата наследничка и ријалити ТВ ѕвезда Парис Хилтон се појави без градник во краткиот жолтиот Artemis Crystal мини фустан на Филип Плејн.
Имајќи предвид дека таа досега се појавувала и во посмели модни изданија, би можеле да кажеме дека овој изглед дури беше и конзервативен за нејзините стандарди.
На фотографиите се забележува дека Хилтон направи сè за да го покаже и вереничкиот прстен од свршеникот Картер Раум додека позираше пред Hollywood Palladium.
За нејзината шминка беше задолжена Рокаел Лизама која се погрижи за целосното контурирање на нејзиното лице, а природната руса коса беше во боб фризура со патец настрана.
Германската модна икона Хајди Клум се појави во целосно проѕирен мрежест фустан од ALIÉTTE. Фустанот е во целост рачно изработен, а изгледот беше во целост комплетиран со високи црни чизми.
Таа позираше пред Hollywood Palladium пред да ја заземе улогата на презентерка за време на првите доделувања на наградите кои се оддржаа без однапред напишано сценарио.
Клум на настанот носеше накит од VRAI. Ѓерданот и алката на раката се креирани од лабораториски добиени дијаманти.
Вини Харлоу се појави во тоалета од Miu Miu. Дводелната тоалета што се состоеше од топ и макси здолниште, а беше во целост избрана од стилистот Џејсон Болден.
Канадската манекенка која во 2014-тата година се натпреваруваше во 21-вата сезона на America's Next Top Model носеше Nuvole Bianche дијамантски прстен и наушници, како и ad Ghiaccio дијамантски пристен.
Во продолжение погледнете ја галеријата со фотографии од трите познати дами што оддржаа модна лекција на црвениот тепих и ги засенија останатите:
Б. С. Б. | Црнобело
Би можело да ве интересира:
Препорачуваме
Најчитани неделава
