Кога витката линија има „скапа цена“: Готвач ја открива суровата диета на Наоми Кемпбел

Детали

недела, 25 април 2021

Наоми Кемпбел е еден од најзгодните, светски познати супермодели. Но, исто така е една од жените со најсурова дневна исхрана, која веројатно не е препорачлива за никого...

Тајната која ја чува околу исхраната е тоа што јаде само еден оброк дневно.

50-годишниот супермодел има готвач кој вели дека оброците мора да бидат по одредени прописи, бидејќи Наоми не консумира млечни производи, глутен и пилешко месо.

„Готвам за неа веќе цела деценија. Мое задолжение е од намирниците кои таа самата ги бира, да направам еден оброк дневно – едноставен и здрав.

Таа е вегетаријанец и се придржува до тој тип на исхрана.

„Наоми никогаш не нарачува храна од ресторан. Доколку се одлучи за таа опција, секогаш ќе бара нешто што не е на менито. За неа секогаш креирам нова храна.

Исто така, не одобрува користење на сол и бибер, па морам да користам само природни, сушени билки. 

Кога патува, ѝ правам храна за по пат, бидејќи оброците во авион не ѝ одговараат,“ вели Шон Џон, кој додава дека иако ѝ ја приготвува храната на Наоми, таа не консумира оброци од неговиот ресторан.

Наоми Кемпбел е уште еден доказ дека некои жени се преоптоварени со изгледот и одат до крајни граници, но, дали навистина има потреба од тоа? 

М. Д. | Црнобело