Џиџи Хадид се крие под широки тренерки и старомодна шапка додека ужива на прошетка со детето (фото)

Детали

петок, 02 април 2021

Prada шапката во комбинација со спортски аутфит обоен во жолто дава впечаток на модно промашување – како моделот се обидува да се скрие од папараците на прошетка со детето?

Џиџи Хадид редовно оди на прошетка со нејзиното дете Каи, а неретко изненадува со необичните модни комбинации. Овојпат младата мајка одбрала лежерна комбинација, во која доминира жолтата боја.

Џиџи носеше жолта блуза и жолти тренерки, розови патики и Prada шапка која баш и не се вклопува во комбинацијата и изгледа старомодно. 25-годишниот модел носеше и розова заштитна маска, како и бели очила за сонце со мали рамки, за целосно да ѝ биде покриено лицето.

Иако можеби Џиџи изгледа како да се обидувала да се скрие со очилата и капчето, препознатливиот стил и впечатливата облека ја издадоа.

Џиџи го роди нејзиното прво дете, Каи, со партнерот Зејн Малик и оттогаш редовно се појавува во јавност со бебешка количка.

Парот уште нема споделено фотки од лицето на бебето – тренд што го следат сè повеќе славни, обидувајќи се да ја заштитат приватноста на нивните деца.

Во неодамнешно интервју Зејн јавно ја пофали Џиџи дека е одлична мајка, додавајќи дека иако родителството носи многу предизвици, тие двајца одлично се снаоѓаат.

„Каи е неверојатно бебе. Навистина ни е лесно мене и на Џиџи. Всушност, мислам дека Каи го прави лесно. Заспива брзо, сака да јаде…“

Парот живее во Њујорк, но голем дел од времето поминуваат и на фармата на Јоланда Хадид – мајката на Џиџи – бидејќи, како што велат, им годат мирот и тишината.

Спирова С. | Црнобело