Постарата е скиентолог, помалата не ја видел 7 години – како изгледаат ќерките на Том Круз?
- Детали
- петок, 26 февруари 2021
Том Круз има две посвоени деца од бракот со Никол Кидман и едно биолошко од бракот со Кејти Холмс, но јавноста не знае речиси ништо за нив. Актерот е во контакт со постарите деца, но изворите тврдат дека ја нема видено најмалата ќерка цели 7 години.
Иако Том Круз е еден од најпознатите актери на денешницата, обично тој не открива многу детали за неговиот приватен живот. Сепак, покрај сите гласини за скиентолошката црква и неговиот чуден однос со неговите деца, јавноста навистина се интересира за она што се случува во животот на Том.
Том Круз има три деца – две посвоени и едно биолошко. Додека беше во брак со Никол Кидман, тие ги посвоија Конор и Изабела Круз, а од бракот со Кејти Холмс ја доби ќерката Сури.
Денес Конор и Изабела се возрасни, а Сури има 14 години и се чини дека актерот воопшто не е присутен во нејзиниот живот.
Том и Кејти се разведоа во 2012-та, а оттогаш Сури живее со нејзината мајка. Пред разводот, актерот често беше забележуван со Сури, редовно одеа на семејни одмори, а дури и кога Том патуваше за потребите на некој филм, одвреме-навреме беше придружуван од тогашната сопруга и ќерка му.
Актерот дури и неколкупати изјави дека сака Сури и неговите други деца да пораснат заедно и да бидат блиски. За жал, бурниот развод му ги промени плановите и актерот не е забележан со ќерка му веќе неколку години. Во 2019-та, пак, извор близок до Том изјави дека тој го дал најдоброто од себе за да го зачува односот со Сури:
„Без оглед на проблемите во нивниот однос, тој многу ја сака ќерка му. Постојано мисли на неа. Том никогаш не планираше да се оддалечи од Сури кога одлучи да основа семејство со Кејти и сега се надева дека еден ден ќе го подобри односот со ќерка му“.
Според светските медиуми, Том Круз може да ја гледа ќерка му 10 денови во месецот, но одбива да го прави тоа поради неговите религиски верувања. Том Круз е дел од контроверзната скиентолошката црква – што се верува дека беше причината за разводот со Кејти – а бидејќи Сури не е дел од црквата, актерот не сакал да ја гледа.
Некои извори одат дотаму што тврдат дека актерот ја нема видено Сури од 2013-та, односно периодот кога таа имаше 7 години.
„Тој може да си ја гледа ќерката кога сака. Но одлучи да не го прави тоа бидејќи таа не е дел од скиентолошката црква“, тврди изворот.
Актерот воопшто не зборува за неговата ќерка, па засега никој не може да ги потврди сите гласини во врска со нивниот однос. Ни Кејти Холмс не открива ништо за целата ситуација, но нејзин пријател тврди дека понекогаш Том ѝ испраќал подароци на Сури за Божиќ и роденден.
Сепак, тој е во контакт со неговите постари деца, 28-годишната Изабела и 26-годишниот Конор.
Двете деца се држат подалеку од окото на јавноста, но деновиве Изабела сподели селфи на Инстаграм – нешто што е вистинска реткост.
Таа е уметник и на социјалните мрежи споделува само фотки од нејзините дела, и скоро никогаш не се појавува во јавност со нејзиниот татко. Изабела, исто како и Конор, е дел од скиентолошката црква, а за односот со познатиот актер само изјави:
„Нормално дека зборувам со него. Тој ми е татко“.
Повеќе фотки од Сури:
Повеќе фотки од Изабела:
Погледнете и 11 мрачни работи за Том Круз кои Кејти Холмс ги крие од нивната ќерка
Спирова С. | Црнобело
Би можело да ве интересира:
Препорачуваме
Најчитани неделава
