Парис Хилтон се вери по 4-ти пат на нејзиниот 40-ти роденден (фото)
- Детали
- четврток, 18 февруари 2021
Парис Хилтон се вери со нејзиното момче Картер Реум, со кого е во врска околу една година, а ова е четвртата свршувачка на богаташката. Картер ја запроси на плажа, и тоа на нејзиниот 40-ти роденден.
После една година заедно, 40-годишниот Картер Реум ја запроси Парис Хилтон, и тоа на нејзиниот 40-ти роденден.
Богатата наследничка сподели видео и фотографија од романтичниот момент на Инстаграм, а на нејзиниот сајт сподели цела галерија фотографии.
„Кога ќе ја најдете вашата сродна душа, не само што го знаете тоа, туку го чувствувате. Мојата љубов и јас сме заедно од нашиот прв состанок, а за мојот роденден тој организираше посебно патување на тропски рај.
Како што одевме на вечера покрај плажата, Картер нè тргна настрана и клекна на едно колено. Јас реков да, да за тоа засекогаш да бидеме заедно. Нема друга личност со која би сакала да го поминам остатокот од животот“, пишува во описот на видеото.
„Мојот сон се исполни! Премногу го сакам мојот иден сопруг! Најдоброто роденденско изненадување досега! Возбудена сум што ќе ти бидам сопруга!“, напиша Парис на фотката.
Парот бил на приватен остров, кога Картер клекнал на колено и ја побарал раката на Парис со смарагден прстен направен од врвен изработувач на накит – пра-правнукот на Луј Картие.
Картер ја запросил Парис на плажа, а за посебниот момент и двајцата носеа бела облека. Парис носеше долг бел фустан, бели балетанки и круна, а Картер носеше бели панталони, кошула, сако и патики.
Ова е четвртата свршувачка на Парис, која претходно се вери со Џејсон Шо во 2002-ра, со Гркот Парис Латсис во 2005 и актерот Крис Зилка во 2018-та.
Парис и Картер ја почнаа врската во 2019-та, а претходно беа пријатели цели 15 години.
Откако Парис кажа „Да“, на парот им се придружија Ники Хилтон, заедно со нејзиниот сопруг, како и нивниот брат Барон.
Беа присутни и неколку членови од семејството на Картер, вклучувајќи ги мајка му и брат му.
Повеќе фотки од настанот:
Спирова С. | Црнобело
Би можело да ве интересира:
Препорачуваме
Најчитани неделава
