„Зарем мораме да го направиме тоа?“ – Џеј Ло и Алекс се двоумат дали воопшто да се венчаат

Детали

вторник, 22 декември 2020

Џеј Ло и нејзиниот вереник Алекс Родригез се подготвуваа да направат венчавка, но пандемијата им ги промени плановите. Сега, пак, Џеј Ло откри дека размислуваат воопшто да не се венчаат.

Неодамна Џеј Ло сподели дека со Алекс сериозно размислувале за тоа дали воопшто дa се венчаат, откако ја откажаа свадбата во Италија поради пандемијата. 51-годишната пејачка зборуваше за ова на едно интервју, и како пример ги посочи Курт Расел и Голди Хоун – тие се заедно уште од 1983-та, но никогаш не се венчале.

„Зборувавме за ова. На наша возраст, и двајцата сме биле во брак, па размислуваме дали да се венчаме. Дали да не се венчаме? Колку ќе ни значи венчавката?“

Потоа пејачка сподели и детали за венчавката која веќе требаше да се случи:

„Дефинитивно не се брзаме. Навистина е тажно бидејќи требаше да се венчаваме во јули и испланиравме сè. Во март и април ја следевме ситуацијата и помисливме: 'Можеби венчавката нема да се случи'. Состојбата во Италија беше најлоша, а ние требаше да се венчаме во Италија. Тогаш реков: ’Во ред, ќе откажеме сè‘.

Откажавме и рековме ќе пробаме да се организираме подоцна годинава. Но кога помина некое време, сфатив дека уште е рано. Бевме малку разочарани. А потоа си помислив дека нештата се случуваат кога ќе дојде време за тоа.

Но, се сетив на Голди и Курт, па почнавме да мислиме дали воопшто мора да се венчаме. Ова нè натера да застанеме и добро да размислиме. Сметам дека венчавката уште ни е важна, но не се брзаме. Знаете, ќе се случи кога ќе се случи“.

Џеј Ло и Алекс се заедно од февруари 2017-та, а соопштија дека се вериле во март минатата година. Пејачката има две деца со поранешниот сопруг Марк Ентони, додека Алекс има две деца од претходниот брак.

Спирова С. | Црнобело