Стинг планира да потроши сè - славни личности кои ги „исклучиле“ децата од тестаментот

Детали

недела, 06 декември 2020

Некои богати луѓе сметаат дека не треба да им остават наследство на децата, па целосно ги исклучуваат од нивниот тестамент.

Навистина е убаво да се родите во многу богато семејство – не мора да се грижите за ништо, можете да учите во најпрестижните училишта и, на некој начин, целиот живот ви е обезбеден.

Но, ако сте дете на луѓето во продолжение, не треба да се надевате дека ќе добиете нешто.

Погледне кои славни и богати личности ги исклучиле нивните деца од тестаментот:

Гордон Ремзи

Гордон е најпознатиот готвач во светот и има богатство од 220 милиони долари. Покрај неговите вештини за готвење, тој се прослави и со неколкуте ресторани, но и поради неговиот лош темперамент.

Неодамна, готвачот изјави дека нема план да ги вклучи неговите пет деца во тестаментот, бидејќи смета дека неговото богатство е многу повеќе потребно во некоја добротворна организација.

Џоан Крафорд

Поради неверојатната убавина и талентот за глума, Џоан беше светска ѕвезда во 1930-тите.

Постоеја многу гласини дека Џоан била ужасна личност зад камерите, а една од нејзините четири ќерки изнакажа навистина лоши работи за неа.

Кога Џоан почина во 1977-ма, во нејзините тестамент пишувало дека нејзините две помали ќерки, Синди и Кети, ќе добијат 77.500 долари.

Но постарите деца, Кристофер и Кристина, не биле воопшто спомнати.

Стинг

Пред да стане познат, Стинг работел сè и сешто за да преживее. Откако се прослави, тој успеа да заработи над 400 милиони долари, а бидејќи уште е колку-толку активен, сигурно и уште заработува.

Но, музичарот има изјавено дека не му е план да им остави нешто на децата. Напротив, тој сакал да ги истроши скоро сите пари пред неговата смрт.

Марлон Брандо

Марлон Брандо е еден од најдобрите актери што се појавиле во Холивуд. Тој имаше неколку одлични улоги, од кои две му донесоа Оскар, а додека беше жив имаше богатство од 100 милиони долари.

Но, кога почина, се дозна дека во неговиот тестамент испуштил две од 11-те деца.

Ештон Кучер и Мила Кунис

Ештон и Мила се навистина моќна двојка, а и двајцата имаат импресивна кариера.

Моментално најважно им е да ја зачуваат приватноста на нивните деца, но, по нивната смрт, не планираат да им остават ништо.

Слично како повеќето на листава, и тие сакаат да ги донираат милионите во добротворни организации.

Бил Гејтс

Гејтс е еден од најбогатите мажи во светот, а со сопругата Мелинда, најголем дел од богатството трошат во добротворни цели.

Нивниот план е и после нивната смрт, 99% од богатството да се искористи за истата цел, оставајќи ги нивните деца со многу малку пари.

Спирова С. | Црнобело