„Горд сум што можам да ја наречам моја“ - Џиџи Хадид и Зејн Малик станаа родители
- Детали
- четврток, 24 септември 2020
Џиџи Хадид и Зејн малик станаа родители, а вестите ги споделија на социјалните мрежи, заедно со слатка фотографија.
Викендов, 25-годишниот модел и 27-годишниот пејач го добија нивното прво дете, а сега официјално ги потврдија новостите.
Прво се огласи Зејн, со фотографија на која ја држи раката на новородената ќерка.
„Нашето девојче е овде, здраво и убаво. Да се обидам да опишам како се чувствувам сега би било невозможна задача. Љубовта што ја чувствувам за ова мало човече е над моето разбирање. Благодарен сум што ја знам, горд сум што можам да ја наречам моја и благодарен сум за животот што ќе го имаме заедно“, стои во описот на фотографијата.
https://www.instagram.com/p/CFgP88Ml0NF/?fbclid=IwAR2N7ZVNk7TCWlDWDp4O9bnGulJ1FP0I9o1I0-6S0qwpx_m9G-64Ezd9uZc
Малку подоцна, и гордата мајка се пофали за приновата. Џиџи објави црно-бела фотографија на која се гледаат дланките на Зејн и нивната ќеркичка:
„Нашето девојче ни се придружи овој викенд и подготвена е да го промени нашиот свет. Колку сум вљубена“.
Џиџи ги потврди гласините за бременоста кон крајот на април, а понекогаш објавуваше и фотографии од стомачето. Моделот не споделуваше многу детали за бременоста, а и објасни зошто го правела тоа:
„Мислам дека многу луѓе се збунети зошто не споделувам повеќе работи, но јас сум бремена среде пандемија. Очигледно, мојата бременост не е најважното нешто што се случува сега“.
Засега не е познато дали парот избрал име за девојчето.
Спирова С. | Црнобело
Би можело да ве интересира:
Препорачуваме
Најчитани неделава
