Ја изневеруваше во бременоста, а сега Клои Кардашијан му се врати: На планинарење со 7 години помладиот Тристан

Детали

петок, 04 септември 2020

Некои жени едноставно не ги учат лекциите, а Клои дефинитивно е една од нив. Беше повредена на најлош начин, изневерна многу пати, а сега повторно ѝ дава шанса на љубовта.

Неодамна Скот Дисик потврди дека Клои Кардашијан и Тристан Томпсон ја обновиле својата романса, а сега 36-годишната ријалити ѕвездата беше фотографирана на планинарење со 29-годишниот Тристан.

Тие имаат две годишна ќерка, а нивната прошетка ја документираа и камерите од реалното шоу „Keeping Up With The Kardashian“.

Клои и Тристан живееја заедно со нивната ќерка за време на карантинот поради пандемијата, па изгледа тогаш успеале да ги средат односите.

Инаку, нивната врска беше драматична со постојани прекини сѐ додека Клои сосема не прекина со Тристан во 2019 година по скандалот за неверство со Џордин Вудс, другарката на Кајли Џенер.

Извор близок до парот вели дека Клои навистина го сака, ѝ се допаѓа што тој има добра врска со нивната ќерка и дека се надева дека Тристан е променет.

Првиот скандал за неверство на Тристан беше во 2018 година, два дена откако Клои се породи. Тој беше снимен на камера во њујоршки клуб како е во близок контакт со една жена и оттогаш скандалите се редеа.

Прочитајте и Клои Кардашијан за првпат јавно за неверството: „Знаев кој е Тристан, но од неа не очекував“

Фотки од прошетката на парот:

• 
• 
• 
• 
• 
• 
• 
• 
• 
•  

С. С. | Црнобело