Напад со нож, сообраќајна незгода: Какви приказни кријат лузните на познатите?

Киану Ривс

Киану има огромна лузна на стомакот, што ја добил во несреќа со мотор – актерот возел навечер, со исклучени светла.

После несреќата, тој бил хоспитализиран цела недела и имал неколку скршени ребра. Актерот поминал половина час лежејќи на асфалтот пред да пристигне помош.

„Се сеќавам дека барав помош. И, некој ми одговори од темницата и се појавија светлата од брза помош“, се присетува Киану.

Харисон Форд

Познатиот актер ја добил лузната на брадата во 1964-та, кога се преселил во Лос Анџелес со надеж да започне холивудска кариера.

Додека возел кон своето тогашно работно место, сфатил дека заборавил да го стави безбедносниот појас. Па, додека се обидувал да го намести, изгубил контрола и со автомобилот удрил во бандера.

Судирот бил толку силен, што Харисон си ја удрил брадата од воланот, а потоа излетал низ шофершајбната.

Квин Латифа

Актерката има лузна на челото што ја добила на 3-годишна возраст.

Таа си играла со нејзиниот брат, но се сопнала и се удрила од работ на ѕид во домот. Откако ѝ ја зашиле раната со три конци, таа повторно паднала и ја отворила.

Хоакин Феникс

Актерот има лузна помеѓу носот и устата, која е последица од поблага форма на таканаречената зајачка уста. Ова е вродена аномалија што може да се среди со операција.

Ед Ширан

Ед Ширан, заедно со Џејмс Блант, има раскажано интересна приказна за неговата лузна – ја добил откако принцезата Беатриче на шега се обидувала да го направи витез и го исекла со меч.

Се разбира, ова е само шега и пејачот се исекол додека бил пијан.

Спирова С. | Црнобело