Подемите и падовите на Бритни Спирс низ 20 фотографии

Детали

среда, 19 февруари 2020

Што мислите дека би се случило ако сте станеле славни на многу мала возраст?

Дел од славните личности, помеѓу кои и Бритни Спирс, го знаат одговорот на ова прашање.

Веќе до 18-тиот роденден, глобалната суперѕвезда се искачи на врвот со деби албумот „…Baby One More Time“ и неговиот наследник „Oops!… I Did It Again“.

Но, животот на Бритни е далеку од совршен и како што растеме, сè повеќе го сфаќаме периодот низ кој помина пејачката во 2007-ма.

За среќа, денес Бритни изгледа одлично и очигледно успеала да застане на нозе.

Во продолжение потсетете се на нејзината приказна со нејзините подеми и падови низ 20 фотографии:

1992: Млад талент

Бритни Џин Спирс е родена на 2 декември 1981, во Мисисипи. Мајка ѝ е Лин Ајрин Бриџес, а татко ѝ се вика Џејмс Парнел Спирс.

„Уште откако имав 7 или 8 години, кога мајка ми имаше гости изведував за нив. Дури и кога одев на училиште, секогаш бев чудното дете. Одев надвор и наместо да си играм, си правев натпревари за пеење.“

1997: Одбивање

На 8-годишна возраст, Бритни се пријавила на аудиција за улога во The Mickey Mouse Club. Била одбиена бидејќи сметале дека е премногу млада.

Наместо тоа, ја испратиле кај менаџер кој ѝ предложил да се запише во училиштето Professional Performing Arts School во Њујорк.

Нејзините почетоци не биле лесни и во 1977 одела од врата на врата давајќи им ги своите песни на продуцентите. Три од четири ја одбиле.

1999: Деби албумот „…Baby One More Time“

Откако потпиша договор со компанијата Jive, Бритни се упатила во Шведска за да го сними нејзиниот деби албум.

„…Baby One More Time“ беше издаден на 12-ти јануари и, со над 25 милиони продадени копии, стана еден од најпродаваните албуми на сите времиња.

Ова само докажа дека Бритни е многу повеќе од дете кое сака да биде познато.

2000: Oops!… I Did It Again

Со вториот албум, Бритни повторно ги освои сите интернационални топ листи.

Албумот беше издаден на 16-ти мај, а многу критичари сметаа дека овојпат, текстовите на песните се многу позрели.

„Кога го направив првиот албум, само што наполнив 16 години. Кога го гледам омотот на албумот си мислам ’Оф Боже‘. Знам дека новиот албум ќе биде сосема поразличен“, изјави Бритни пред да го издаде вториот албум.

„Oops!… I Did It Again“ се продаде во над 20 милиони копии ширум светот.

2000: Романсата со Џастин Тимберлејк

На 9-ти мај 2000 година Бритни, со помош на нејзината мајка, ја напиша нејзината биографија насловена „Britney Spears‘ Heart to Hear“.

Во книгата таа зборува за успехот преку ноќ, славата, напорната работа и животот, а книгата содржеше и претходно невидени фотографии.

Во 1998-ма, пејачката ја започна врската со колегата Џастин Тимберлејк. Тој период и двајцата беа млади и со многу пари, но врската заврши после 3-4 години.

2001: Britney

На 5-ти ноември 2001, Бритни го издаде третиот студио албум, насловен „Britney“.

Овојпат, пејачката се обидува да се ослободи од имиџот на мало девојче и да се покаже како возрасна личност која зрачи сексапил.

Главниот сингл од албумот, „I’m a Slave 4U“ ги освои топ листите во речиси сите држави.

2002: Актерско деби

Во 2002 Бритни ја доби главната улога во комедијата „Crossroads“.

Филмот ја раскажува приказната за три млади жени кои одат на заедничко патување, откако биле разделени осум години.

Иако филмот имаше многу лоши критики, благодарение на фановите на Бритни, само на денот на премиерата заработи 5,2 милиони долари.

2003: Најсекси перформанс на сцена

Во 2003, Бритни, заедно со легендарните поп ѕвезди Кристина Агилера и Мадона, го приреди најсекси настапот на MTV VMA.

Веројатно се сеќавате на моментот кога Бритни и Мадона се бакнаа на сцената.

2003: In the Zone

Славата и разделбата со Џастин дефинитивно имаа влијание врз Бритни, но тоа не ја спречи да продолжи со правење музика.

Во ноември 2003, таа го издаде можеби најпрепознатливиот нејзин албум, „In the Zone“.

Песната „Toxic“, пак, се смета за една од најдобрите синглови на деценијата.

2005: Живот како мајка

Во 2004 Бритни се вери со танчарот Кевин Федерлајн, со кој се познаваше само 3 месеци.

Откако ги сподели новостите за свршувачката, Бритни направи пауза од музиката, со цел да започне семејство.

Една година подоцна, таа го доби синчето Шон Престон Федерлајн. Бритни дури и му посвети песна – „Someday (I Will Understand)“.

Продолжува на следната страница...