6 работи кои веројатно не сте ги знаеле за музичката сензација Били Ајлиш

Детали

недела, 22 декември 2019

Со нејзиното име се поврзуваат хитовите Bad Guy и Bury a Friend, а во моментот е актуелна со песната Everything I Wanted. Били Ајлиш неодамна наполни 18 години, а одамна го има светот на дланка.

Обожавана од многумина, пред да ја започне својата соло кариера го позајмувала својот глас како придружен вокал во песните кои се дел од филмовите Diary of a Wimpy Kid и X-Men.

Били претходно работела во коњушница бидејќи обожавала да јава коњи. Таа обожава животни и долги години била вегетаријанец пред да се одлучи да стане веган.

Што уште треба да знаете за оваа поп сензација?

Црната ѝ е омилена боја, а нејзиниот омилен филм е Fruitvale Station

Иако ќе ја видите во многу шарени, откачени комбинации, сепак нејзината омилена боја е црната. Без никакво двоумење таа го издвои филмот Fruitvale Station од 2013 година за најомилен.

Филмот пак е инспириран од вистински настан кој го прикажува убиството на афроамериканскиот тинејџер Оскар Грант од страна на полицаец.

Била огромен обожавател на Џастин Бибер

Како и многу други тинејџерки и Били Ајлиш била во фазата на „Белибери“. Нејзината опсесија со Џастин Бибер започнала кога имала само 12 години.

Двајцата соработувале на ремиксот за песната Bad Guy, а биле заедно и на фестивалот Коачела во април.

Нејзината омилена ТВ серија е The Office

Ајлиш толку многу ја сака комедијата која се прикажуваше на NBC, што дури позајмила и еден дијалог од една епизода од седмата сезона на The Office и го употребила во нејзината песна My Strange Addiction.

Таа е многу искрена за борбата со синдромот Турет и синестезијата

Ајлиш често пати зборува за своите ментални заболувања додека гостува во емисии. Таа изјавила дека колку е поотворена на овие теми, толку подобро може да се поврзе со обожавателите. Луѓето со овој проблем прават постојани движења и гласови што не можат да ги контролираат.

Синестезијата претставува спонтана, субјективна асоцијација на повеќе различни чувства предизвикани од директното доживување на само едно од нив.

„Секоја личност што ја познавам има сопствена боја, облик и број во мојот ум, но тоа е сосема нормално за мене“.

Нејзиниот прв хит сингл Ocean Eyes го напишала за кореографиите на часовите по танц

Таа најчесто соработува со нејзиниот постар брат Финеас, а заедно со него во 2015 година ја снимила песната за нејзината професорка по танц која сакала да има оригинално парче музика кое ќе го употреби за своите кореографии.

Но, откако Ајлиш ја прикачила песната на SoundCloud набргу станала вирален хит и на овој начин започнала нејзината кариера.

Нејзиното целосно име е: Billie Eilish Pirate Baird O’Connell

Родителите на Ајлиш биле актери, но двајцата направиле пауза во своите кариери и ги подучувале Били и Финеас дома. Тие не посетувале никакво формално образование, а родителите не се воделе според никаква специјална програма.

Едноставно им дозволиле да се фокусираат на теми коишто ги интересираат. Били успеала да го помине тестот за средно образование и да матурира на само 15 години.

(О)Милена | Црнобело