Тејлор Свифт била погодена до солзи од новата песна на Селена Гомез за Џастин Бибер

Детали

понеделник, 28 октомври 2019

Сигурно досега сте слушнале дека Селена Гомез има издадено две нови песни, „Lose You To Love Me“ и „Look At Her Now“, за кои многумина веруваат дека се за нејзината врска со Џастин Бибер.

Минатата недела, Селена најверојатно „поткажа“ дека песната „Look At Her Now“ е за нејзината разделба со Џастин и неговото вселување со новата сопруга, Хејли.

„За два месеци нè замени, како да беше лесно. Ме натера да мислам дека сум го заслужила тоа“, е дел од текстот на песната.

Сега, 27-годишната пејачка се отвори уште повеќе за нејзината музика. На едно радио интервју, таа изјави дека песната била толку лична, што Тејлор Свифт заплакала кога ја слушнала прв пат.

„Им ја пуштив песната на Тејлор и нејзините родители. Кога им го покажав видеото, Тејлор и мајка ѝ почнаа да плачат“, открива Селена.

Наводно, според Селена, тие не заплакале бидејќи песната била емотивна. Туку, само ѝ кажале дека биле среќни што е таму со нив.

Кога Тејлор беше прашана за песната на Селена, таа изјави:

„Само од моја перспектива како пријателка, никогаш не сум била погорда. Нештата што ги надмина, ситуациите над кои се издигна, помина долго откако сме пријателки и таа е најдобрата. Навистина сум возбудена биејќи кога некој имал големо животно искуство и навистина минувал низ нешто, може да го процесира тоа и да направи уметност што им помага на другите, ова е таква песна. Воодушевена сум.“

Во друго интервју, Селена има прозборено и за нејзиното пријателство со Тејлор:

„Таа беше фрустрирана кога јас бев фрустрирана. Беше тажна кога јас бев тажна. Но повеќе од сè, моите пријатели останаа покрај мене. Мислам дека ме видоа во многу болка и не сакаа да ја чувствувам. Но тие никогаш не престанаа да ме сакаат.“

Спирова С. | Црнобело