10 познати личности кои се соочиле со анксиозност

Детали

сабота, 26 октомври 2019

Секој од нас во одреден период од својот живот поминува низ чувства на вознемиреност, немир и стрес, без разлика колку некои од причините би ни звучеле како неоправдани.

Верувале или не, се смета дека во одредени граници вознемиреноста е корисна, ни помага полесно да реагираме на стресни ситуации, да ги забрзаме нашите рефлекси и правилно да го насочиме нашето внимание.

Но, што ако вознемиреноста не престанува и го отежнува справувањето со секојдневниот живот? Тогаш станува збор за анксиозност.

Иако постојат повеќе совети за тоа како полесно да ја победите, како на пример да одите на јога, да пешачите, да си ги запишувате мислите, да медитирате, најразумното нешто што можете да го направите е да се исконсултирате со лекар специјалист за таа област.

Анксиозноста е насекаде ширум целиот свет, па дури и кај најбогатите луѓе за коишто мислите дека имаат сѐ што ќе посакаат.

Во продолжение ви прикажуваме неколку изјави на познати личности кои се справувале со анксиозност:

1. Зајн Малик

Во времето на „One direction“ овој пејач релативно ја криеше приватноста, но непосредно по своето осамостојување цврсто проговори за своите панични напади, дури и донесе одлука да ги откаже сите свирки во 2016 и 2017 година.

Во една од неговите објави на Твитер тој напиша: ,„Јас ја претрпев најлошата анксиозност во којашто страдаше мојата кариера. Знам дека оние што страдаат од оваа болест ќе ме разберат, а пак останатите ќе сочувствуваат со мојата ситуација“.

2. Лејди Гага

Оваа светска ѕвезда никогаш не се плаши отворено да ги покаже своите чувства, расположенија и состојби со кои се соочува.

Таа секогаш јавно зборувала за своето ментално здравје и болка, како и за тоа како се справувала со анксиозноста и кои биле нејзините најтешки мигови.

„Отворено признавам дека се борев со анксиозноста и депресијата, а и претпоставувам дека многу од луѓето ја воделе истата битка“ - изјави таа.

3. Ариана Гранде

Ариана Гранде признава дека страдала од анксиозност уште од најрана возраст и тоа и помогнало да се избори и значително да го зајакне својот карактер.

На едно од нејзините неодамнешни интервјуа таа зборува за тешкиот период низ кој поминувала по терористичкиот напад во Манчестер.

„Отсекогаш сум се справувала со анксиозноста, но никогаш не сум се почувствувала толку беспомошно. Ми следуваа месеци со климаво расположение“.

4. Ема Стоун 

Познатата актерка во повеќе наврати отворено разговараше за нејзината анксиозност, објаснувајќи како се справувала со ваквата состојба уште како дете.

„Отсекогаш сум ја сметала анксиозноста како нешто со кое живеам и ме придружува во различни периоди од мојот живот. Понекогаш чувствувам дека никогаш нема да заврши, но сепак завршува“.

5. Принцот Хари

Како член на едно од најпознатите и најмоќни семејства во светот, личниот живот на принцот Хари е под постојан надзор.

Живот под лупа на јавноста за него започна особено по смртта на принцезата Дајана, непосредно пред тринаесеттиот роденден на младиот принц.

Времето кое Хари го поминувал во војска го поттикнало да се спротивстави на своите потешкотии.

„Веројатно сум бил многу блиску до целосно психичко распаѓање, особено кога до мене доаѓаа секаков вид на лаги и заблуди со коишто треба да се справам“.

Продолжува на следна страна...