Како изгледала „жената-мачка“ пред да се навлече на пластични операции?

Детали

вторник, 10 септември 2019

79-годишната Џослин Вилденштајн стана пример за претерување со пластичната хирургија, а нејзиното лице може да го препознае речиси секој. На повеќето таа им е позната како „жена мачка“, а зад нејзиното необично лице се крие исто необична приказна.

Џослин почнала со операциите во нејзините 20-ти бидејќи се плашела дека нејзиниот сопруг, милијардерот Алек Н. Вилденштајн, ќе ја остави.

Бидејќи Алек бил опседнат со големите мачки, таа решила да се претвори во една.

Сепак, Џослин ги демантираше овие гласини и има изјавено дека трансформациите ги направила само за себе. Таа има направено затегнување на лицето најмалку 7 пати и драстична реконструкција на очите.

 Истовремено, има направено полнење на усните, образите и брадата со колаген.

За жал, нејзиниот брак со Алек сепак се распаднал откако го фатила во креветот со 19-годишна манекенка. Разводот бил навистина бурен, а наводно, Алек дури и ѝ се заканувал на Џослин со пиштол. Целиот развод траел 2 години, а после него Џослин станала побогата за милијарда долари.

Покрај тоа, неа воопшто не ѝ е грижа што другите ја нарекуваат со погрдни зборови.

„Кога ќе се погледнам во огледалото, за мене сум преубава. Имам лице какво што сакав.“

Благодарение на интернетот, денес можеме да погледнеме фотографии од Џослин кога била млада и кога немала направено операции. Без сомнение, нејзината убавина ќе ве изненади.

Пред неколку години Џослин повторно се најде на суд, овој пат поради нејзиниот партнер, канадскиот дизајнер Лојд Клајн. Таа го изгребала на лицето со ножици и му истурила врел восок. Сепак, денес парот е верен и според некои извори, тие се повљубени од кога било.

Спирова С. | Црнобело