Меган Маркл дизајнира своја модна линија за добротворни цели

Детали

среда, 31 јули 2019

Војвотката од Сасекс изјави дека ќе лансира своја модна линија, и тоа со навистина добра цел.

Меган, заедно со модниот бренд Jigsaw, дизајнерката Миша Нону и британските продавници Marks & Spencer и John Lewis ќе издадат колекција за деловна облека.

Меган ја најави новоста во септемвриското издание на Vogue, во кое беше поканета и како гостин уредник.

Дел од колекцијата ќе биде наменет за Smart Works – добротворна организација што им помага на невработените и ранливи жени да се вратат на работа.

„За секое парче купено од некого, друго ќе биде донирано. Ова не само што ни овозможува да бидеме дел од нашите приказни, туку нè потсетува дека сме заедно во сето ова“, напишала војвотката за Vogue.

Уште откако војвотката влезе во кралското семејство, речиси секое парче облека што го носи се распродава веднаш.

Покрај тоа, Меган инспирира многу модни блогери да направат цели профили посветени на тоа да ги пронајдат поевтините верзии на облеката што ја носи таа.

Дури и уредничката на Vogue, Ана Винтур, го нарекла стилот на Меган инспиративен. Па, не е ни чудно што следниот чекор на Меган е во светот на модата.

Бидејќи продавниците кои ќе соработуваат со Меган се британски, уште не е познато дали облеката ќе биде достапна и во други држави.

Спирова С. | Црнобело