На кого личи Арчи, најмалиот член на британското кралско семејство?

Детали

среда, 19 јуни 2019

Неодамна фановите имаа можност да ја видат првата фотографија од Арчи. Принцот Хари го прослави неговиот прв Ден на таткото споделувајќи фотографија од неговиот син.

На заедничкиот профил со неговата сопруга Меган Маркл, Хари сподели црно-бела фотографија на која се гледа тој со неговото новородено дете.

Очите на Арчи се совршена комбинација од неговите родители, барем според нивните фотографии од бебиња. Во објава од 2017-та година за Денот на таткото, Меган му се заблагодари на татко ѝ што ѝ го дал „препознатливиот Маркл нос“. Изгледа дека носот го наследил Арчи.

Бидејќи фотографијата не е во боја, тешко е да се одреди дали Арчи ја наследил впечатливата црвена коса на татко му, или темната коса на мајка му.

Меган изјавила дека сè уште се обидуваат да откријат на кого лични Арчи. Принцот Хари се согласува:

„Секој вели дека бебињата се менуваат многу за две недели. Ние едноставно набљудуваме како се одвива овој процес на промена. Неговиот изглед се менува секој ден, па којзнае“, изјавил Хари.

На Денот на мајката, кралскиот пар сподели фотографија од стапалата на нивниот син сместени во рацете на Меган.

Фотографијата беше и оддавање почит на починатата мајка на Хари, принцезата Дијана – во позадина можат да се видат омилените цветови на Дијана.

„Оддавање почит на сите мајки – минати, сегашни и идни и оние кои се изгубени, но не и заборавени. Ве цениме и славиме сите вас“, пишува во описот на фотографијата.

Спирова С. | Црнобело