Кој плаќа за облеката на Меган Маркл?

Детали

четврток, 22 март 2018

Меган Маркл за само неколку месеци покажа импресивни комбинации со кои се вклопи во модната слика на кралското семејство, но дел од нив имаат „солена“ цена. Па, оттука започна интересот на темата кој плаќа за нејзината облека за овие појавувања и кралски должности?

Пример, белото палто кое го носеше неодамна во комбинација со бела капа чинеше околу 2.000 долари.

Медиумите отидоа дотаму што пресметаа колку точно чинеле сите аутфити на Меган за досегашните официјални појавување – 28.688 долари, да бидеме попрецизни.

Меган и Хари си ја плаќаат облеката сами, велат репортери на People и потенцираат дека е против кралскиот протокол да прифаќаат бесплатни парчиња облека.

Кејт Мидлтон има строго и јавно правило дека не прифаќа бесплатна облека, а за кралските турнеи во светот секогаш сама се финансира кога е во прашање облеката. Поточно, нема одреден кралски буџет кој го покрива нејзиниот изглед.

Иако асистентите на Кејт соработуваат со многу дизајнери и модни куќи, парчињата облека кои ќе ги земат, а нема да бидат облечени – ги враќаат. Оние кои Кејт ќе ги носи – си ги плаќа и задржува. Затоа и е фан на модно рециклирање.

По нејзини стапки очигледно тргнала и Меган Маркл, која за секое појавување одвојува од своето „скромно“ богатство проценето на 5 милиони долари, за да изгледа елегантно.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. Д. | Црнобело