Таткото на Џорџ Клуни проговори за првата средба на Џорџ и Амал во 2013: Нивните судбини беа запечатени

Детали

четврток, 15 јуни 2017

Џорџ Клуни бил маѓепсан од Амал уште на првата средба, на една вечера во 2013-та година. Таму бил присутен и таткото на оскаровецот, Ник

Сега тој проговори во медиумите за првата средба на холивудската икона и на адвокатката за човекови права.

„Јас мислам дека до мигот кога нивната прва средба беше завршена, нејзината и неговата судбина беа запечатени. Таа беше толку извонредна и тој беше толку извонреден околу неа“, изјави 83-годишниот Ник.

Џорџ и Амал инстантно биле шармирани еден од друг.

Ник откри дека тој и неговата сопруга Нина ја поздравиле Амал на забавата во 2013-та година.

„Таа ни се претстави и зборувавме со неа. Беше навистина шармантна и прекрасна и до крајот на таа ноќ беше јасно дека има мила душа“.

По вечерата, Ник знаел дека на Џорџ и Амал им е судено да се вљубат и дека таа ќе предизвика „проблем“ на сребрената лисица, како што тој милува да го нарече својот син.

Ник вели дека присуството на убавата бринета во животот на актерот било сосема поинакво, отколку тоа на неговите поранешни девојки.

„Беше поинаков од сите претходни врски во кои сум го видел, а сум го видел во сите, уште од времето кога имаше 13 години. Оваа млада жена му значеше нешто речиси од почетокот. Едноставно беше прекрасно“.

Откако се породи Амал, Ник откри дека Џорџ ја опишал својата сопруга како „супер жена“.

С. С. | Црнобело