Познати личности кои пораснале како сирачиња

Детали

понеделник, 03 октомври 2016

Постојат многу причини зошто некои родители се одлучуваат да ги остават своите деца во дом за сирачиња, но исто така постојат и многу причини заради кои одредени луѓе се одлучуваат да станат родители токму на оние деца кои останале без биолошките родители.

Примери за деца без родители има и меѓу познатите:

1. Мајк Тајсон

Тајсон е роден во Бруклин, Њујорк и има постар брат Родни и сестра Денис која починала од срцев удар. На изводот на Тајсон напишан е „Парсел Тајсон“ како биолошки родител, но Мајк целиот свој живот знаел само за еден татко, Џими Киркпатрик.

2. Стив Џобс

Основачот на Apple младоста ја поминал во семејството на Пол и Клара Џобс кои го посвоиле откако Клара не успеала да остане бремена. Неговите биолошки родители го оставиле на посвојување откако мајка му Џоен Керол Шајбл добила забрана од татко ѝ да се гледа со таткото на Џобс, Абдулфата Џон Џандали од Сирија.

3. Никол Ричи

Лајонел Ричи и неговата сопруга Бренда, ја посвоиле Никол кога имала 9 години. Нејзините биолошки родители, Питер Есцоведо и Карен Мос, сметале дека не можат доволно добро да се грижат за неа, па ја оставиле на нивниот пријател Ричи.

Н. Г. | Црнобело