Меган Фокс бремена 6 месеци по разводот - Кој е таткото?

Детали

вторник, 12 април 2016

Блиски извори на Меган Фокс открија дека актерката го очекува своето трето дете, но тоа јасно може да се забележи и од нејзиниот труднички стомак кој го покажа на CinemaCon во Лас Вегас.

29-годишната актерка се појави на CinemaCon заедно со колегата Вил Арнет за промоцијата на нивниот заеднички филм „Тeenage Mutant Ninja Turtles: Out of the Shadows“ во тесен краток фустан на Versace и го покажа своето трудничко стомаче.

Холивудската убавица уште во август 2015-та година изјави дека ќе се разведе од својот сопруг, Брајан Остин Грин, со кои беа во брак 5 години и уште 6 години во врска, а во септември разводот беше официјализиран со документи.

Двојката беше разделена и 6 месеци пред документите за развод, но останале во добри односи заради двете деца, Ноа и Боди, што многумина ги наведе да шпекулираат дека и третото дете е на Брајан Остин Грин.

Можеби го прекинаа бракот, но во последно време често можат да бидат видени заедно, дури и без децата.

Останува прашањето, дали Брајан Остин Грин ќе стане по третпат татко?

• 
• 
• 
• 
• 
• 
• 
• 
• 
• 
•  

Н. Г. | Црнобело