Кајли Џенер краде фотки на Инстаграм?
- Детали
- среда, 09 декември 2015
Приборот за совршени усни на Кајли Џенер бргу се распродал низ продавниците во Америка, а по него социјалните мрежи бурно дебатираа околу тоа дали ќе се појави и нов комплет откако таа објави една фотографија на нејзиниот Инстаграм профил.
Фотографија од усни од кои полека капе течен кармин во боја на розово злато се појави на официјалниот Инстаграм профил на Кајли Џенер.
Сега веќе избришаната фотографија беше именувана како „инспирација од @vladamua“ и преземена од една руска шминкерка.
Фановите и медиумите бргу започнаа да шпекулираат околу тоа дали тоа ќе биде новиот стил на Кајли, а воедно и новиот комплет за усни кој ќе се појави на полиците низ продавниците.
Оваа боја сè уште не е официјален изглед. Драматичниот изглед всушност е креиран од страна на шминкерката Влада Хагерти која негативно реагирала на шпекулациите.
„Истиот миг кога ја видов фотографијата се возбудив, моето срце почна силно да чука, сè додека не сфатив дека воопшто не сум спомната на објавата. Дури и откако реагирав, сè уште немаа признато дека креацијата е моја“ - вели Хагерти.
„Сега стана препознатлива како изглед на Кајли и не можам да го употребувам во моите фотографии, ниту за шминкање на моите клиенти“ – објаснува шминкерката.
Би можело да ве интересира:
Препорачуваме
Најчитани неделава
