Дејвид Бекам разочаран од својот син Ромео

Детали

вторник, 08 декември 2015

Најпознатиот и најзгодниот маж за 2015 година според магазинот People останал разочаран од одлуката на неговиот син Ромео.

Во последното интервју за Radio Times, Бекам изјавил дека неговиот син му соопштил дека сака да прекине со тренинзите по фудбал.

Причините за тоа се неговите ангажмани во светот на модата, каде тој е еден од главните заштитни лица на брендот Burberry, како и неговата желба за една сосема поинаква област, фотографијата.

Бекам признава дека се почувствувал малку разочарано што неговиот син не сака да ги следи неговите стапки, но дека истовремено е и среќен, знаејќи дека синот има свои страсти на кои е посветен.

„Родителите многу често сакаат нивните деца да ја следат патеката која тие ја одбрале за нив. Понекогаш децата се пронаоѓаат во таа патека а понекогаш не. Како што растат, нивните желби и замисли се менуваат и многу често се случува да тргнат по сосема своја патека. Иако Ромео реши да се откаже од фудбалот среќен сум што постојат други работи кои го исполнуваат и сака да им се посвети“ – изјавува Бекам.

Колку за потсетување, Ромео е вториот син на Дејвид и Викторија, кои освен него имаат уште два други сина, Бруклин и Круз, и малата ќеркичка Харпер. 

М. С. | Црнобело