Чарли Шин призна дека е ХИВ позитивен (видео)

Детали

вторник, 17 ноември 2015

По бројните шпекулации околу тоа дали еден од најпознатите актери на денешницата, Чарли Шин, е навистина ХИВ позитивен, тој конечно даде отворена изјава.

Во екслузивното интервју со Мет Лауер на TODAY тој конечно откри дека е ХИВ позитивен.

„Тука сум да потврдам дека сум ХИВ позитивен“ – изјавил 50-годишниот актер.

„Морам да ставам крај на нападите и шпекулациите околу тоа дека сум го ставил под ризик здравјето на многу луѓе покрај мене“ – додава тој.

Чарли признал дека знаел дека го има вирусот во себе веќе 4 години. Меѓу другото, признал дека потплатил луѓе да ја чуваат неговата тајна, а негира дека заразил некого откако дознал дека е ХИВ позитивен.

Првите шпекулации се појавија во таблоидот The Enquierer, во кој е напишано, дека актерот одамна знаел дека е заразен и го ставил во ризик здравјето на многу луѓе кои не знаеле дека го има вирусот, вклучувајќи ги и неговите поранешни жени.

Признал дека бил уценуван ои дека платил милиони за да ги замолчи.

„Тешко е да се прифати тој збор од само 3 букви. Целосно ви го менува животот“ – објаснил Шин.

Откритието дава појасна слика за проблематичното минато со злоупотребата на дрога, порнографијата и проститутките.

Шин се издигна и стана еден од најпознатите холивудски актери преку неколку препознатливи филмови и ТВ серии, вклучувајќи ги и „Wall Street“, „Red Dawn“ и ТВ Серијата „Two and a Half Men“.

Во последните години, неговата јавна слика драстично се измени откако беше избркан од ТВ серијата која го направи највисоко платениот актер на ТВ серии.

"I'm here to admit that I am in fact HIV Positive." -@CharlieSheen https://t.co/OVqVMKUGET https://t.co/10Ca6WRqt4

— TODAY (@TODAYshow) November 17, 2015