Џорџ Клуни поради Амал доби награда за животно дело (видео)

Детали

понеделник, 12 јануари 2015

На светските манифестации за доделување награди, шегите на нечија сметка се неизоставен дел за поголема забава.

Водителите и дел од презентерите, пред да си ја завршат работата се обидуваат да привлечат повеќе внимание и да остават поголем впечаток со коментирање на нешто актуелно со доза на иронија или комичност.

Оваа година, на доделувањето на „Златните глобуси“, шеговитите водителки Ејми Поелер и Тина Феј го одбраа најозборуваниот пар годинава, Џорџ Клуни и Амал Аламудин.

Се пошегуваа дека со оглед на тоа што Џорџ Клуни се ожени со Амал која е адвокатка за човекови права, претходно и советничка на Кофи Анан и избрана е за една од трите личности во комисијата на Обединетите нации за истражување на правилата за справување со воените насилства во Газа, нејзиниот сопруг заслужува награда за животно дело.

Без никакви замерки и со вистинско уживање и Џорџ и Амал ја прифатија шегата.

Ова е емотивниот говор на Џорџ Клуни како одговор:

Тој беше мета на нивните шеги и минатата година, кога ја коментираа неговата наклонетост кон помлади девојки, велејќи дека Џорџ поскоро би летнал до Вселената и би умрел, отколку да се забавува со жена на негова возраст.

Џорџ и Амал Клуни беа еден од најелегантните парови на црвениот тепих. Тој облечен во класичен црн смокинг со бела кошула, а таа во долга црна тоалета и бели ракавици до лактите, како вистинска дама.

Погледнете како изгледаа:

• 
• 
• 
• 
• 
• 
•