Како им успева? За овие ѕвезди времето застанало

Детали

вторник, 02 декември 2014

Дали е до гените или козметичките третмани или од двете по малку, за некои луѓе според изгледот се чини како времето да застанало. Имаат над 30-40 години, а сè уште изгледаат младо, негувано и затегнато како да немаат повеќе од 25 години.

Најбројни меѓу таквите се славните личности:

1. Софија Вергара

Кој би рекол дека таа има 42 години? Кој би рекол дека има син од 22 години? Прекрасната Колумбијка е родена на 10 јули 1972 година. Кариерата ја започнала како манекенка. Популарноста ја стекнала прво во својата земја и во Јужна Америка појавувајќи се главно во реклами. Повеќе пати е прогласувана за најубава жена во светот.

2. Наоми Кемпбел

Позната како „црната газела“, Наоми е родена на 22 мај 1970 година во Лондон. Кариерата ја започнала на 15 години, а кон крајот на осумдесеттите се најде меѓу трите најперепознатливи и најбарани модели во светот. Беше и меѓу шесте модели од својата генерација кои се прогласени за супермодели од страна на модниот свет. Таа речиси воопшто не е променета од времето кога ги носеше моделите на Џани Версаче, на почетокот на деведесеттите кога го полуде светот.

3. Хали Бери

Родена е на 14 август 1966 година во Кливленд. Нејзината кариера ја обележаа филмовите „Die another day“, „Gothiка“, „Cat woman“ и „Monster’s Ball“. Поранешната Бонд девојка сè уште е единствена Афроамериканка која го освоила Оскарот за најдобра женска улога и денес важи за една од најзгодните жени во светот иако е веќе во петтата деценија од животот.

4. Гвен Стефани

Сите кои се сеќаваат на големиот хит од деведесеттите, „Don’t speak“, сигурно се сеќаваат и на Гвен Стефани која речиси воопшто се нема променето од тогаш до денес. Популарната русокоса позната по црвениот кармин и модниот панк стил по кој е позната, родена е на 3 октомври 1969 година и денес е мајка на 3 деца.

5. Џони Дeп

Роден е на 9 јуни 1963 година во Кентаки има многу филмови во кој глуми, но врвот на популарноста го достигна со „Pirates of the Caribbean“, а се чини како оттогаш воопшто да не остарел и да не се променил.

Како им успева?