Како Ејми Вајнхаус замислувала дека ќе живее денес

Детали

понеделник, 27 октомври 2014

Ејми е една од легендарните пејачки со светска слава, посебно квалитетна боја на гласот и бројни хитови, која за жал прерано го заврши својот живот.

Покрај маестралните хитови ќе остане запаметена и по честите рехабилитации, но и појавувања на концерти под наркотични дејства.

Сепак, пред 7 години, таа не си го замислувала животот како што го заврши. Во едно интервју, на прашањето како се гледа себеси за 10 години, Ејми одговорила:

„За десет години ќе наполнам 30 и мислам дека ќе имам барем едно дете. До тогаш ќе ми биде објавен и вториот албум. Очекувам дека еден ден ќе се смирам и дека ќе бидам добра мајка. Сакам да имам многу деца, барем пет и сон ми е да работам од дома. Ќе направам студио во својот дом и веќе се замислувам како снимам песни во подрум, а децата доаѓаат да ме побараат, па почнуваме сите заедно да пееме на микрофонот“.

Ова интервју не е никогаш објавено, бидејќи новинарот сметал дека таа никогаш нема да стане ѕвезда. Тоа предвидување не му се исполнило, но не се исполни ниту нејзиното.