Сигурно не знаевте дека овие ѕвезди учеле заедно во средно

Детали

петок, 03 октомври 2014

Светот е навистина мал. Пред да ги почнат своите актерски или музички кариери многу од ѕвездите оделе во исто средно училиште.

Што мислите, која од познатите била најголема заводничка во средно, кој пушел марихуана, а која пејачка не се вклопувала во друштвото бидејќи била „бубалица“ или опкружена со снобови?

Камерон Дијаз и Снуп Дог

И Камерон Дијаз и Снуп Дог своите средношколски денови ги поминале во Long Beach Polytechnic. Снуп се сеќава на Камерон и тврди дека таа била една од оние популарни девојки и навивачки, но нему никогаш не му се допаѓале таквите.

Камерон пак, речиси е сигурна во изјавите дека неколку пати купила марихуана, токму од Снуп Дог.

Мет Дејмон и Бен Афлек

Професорите од Cambridge Rindge и Latin School сигурно се горди што од нивното училиште излегле двајца актерски таленти, како што се Мет Дејмон и Бен Афлек. Овие две холивудски ѕвезди денес се најдобри пријатели, а се запознале токму во средното училиште.

Зек Бреф и Лорен Хил

Ѕвездата на серијата The Scurbs, Зек Бреф е многу добар пријател со пејачката Лорен Хил. Двајцата оделе во истото средно училиште Columbia High School во Њу Џерси.

Фреди Принц и Нил Патрик

Миленикот на многу девојки, Фреди Принц Џуниор и ѕвездата на серијата „How I met your mother“, Нил Патрик Харис заедно оделе во средното училиште La Cueva High School. Нил го завршил 3 години пред Фреди.

Лејди Гага и Ники Хилтон

Контраверзната поп ѕвезда Лејди Гага и една од наследничките во семејството Хилтон, Ники, оделе во приватното средно училиште Convent of Sacred Heart во Њујорк. Лејди Гага во неколку интервјуа има изјавено дека не сака многу да се сеќава на средношколските денови бидејќи не се вклопувала во тамошните друштва и забави со снобови. Ники Хилтон сигурно го немала тој проблем.

Лив Тајлер и Кејт Хадсон

Холивудските глумици Лив Тајлер и Кејт Хадсон освен што се прекрасни жени и ќерки на познати личности, уште нешто заедничко им е тоа што двете оделе во уметничкото средно училиште Crossroads School for Arts and Sciences.

Чарли Шин, Роб Лоу, Роберт Дауни и Шон Пен

Средното училиште Santa Monica била втор дом за дури 4 актерски ѕвезди: Чарли Шин, Роб Лоу, Роберт Дауни Џуниор и Шон Пен.