Бијонсе е бремена по втор пат!

Детали

сабота, 13 септември 2014

На последниот концерт во склоп на нивната светска турнеја On The Run одржан во Париз, Џеј Зи откри дека Бијонсе е бремена по втор пат!

За време на изведувањето на песната Beach is Better, раперот го промени стихот и објави дека го очекуваат своето второ дете.

„...Затоа што е бремена со второ дете,“ отпеа Џеј Зи, а фановите кои се најдоа на концертот веднаш ја објавија веста за бременоста на социјалните мрежи.

33-годишната музичка икона и нејзиниот сопруг изгледа веќе извесно време се трудат да ја сокријат бременоста, судејќи по зборовите на најновиот извор.

„Изминатиот месец, Џеј Зи е страшно заштитнички настроен кон неа, исто како што беше кога ја очекуваа Блу Ајви. Тој прави се што може за да се осигура дека Бијонсе не е под стрес. Дури и ја информирал целата придружба дека ќе мораат да користат смирени гласови, нежно светло и да слушаат исклучиво мирна музика, а покрај тоа секој оброк на Бијонсе мора да е органски. Навистина прави се што може за таа да се чувствува удобно и здраво,“ вели изворот.

На неколку наврати до сега, Бијонсе изјави дека потполно се согласува дека на нејзината ќерка и треба друштво.

Кратката историја за бременоста на Бијонсе започнува во крајот на 2010 година, кога доживеала несакан абортус, а само 1 и пол година подоцна на доделувањето на MTV VMA наградите Бијонсе го откри своето трудничко стомаче.

На 7-ми јануари 2012-та Бијонсе и Џеј Зи ја добија својата ќерка Блу Ајви.