Рокерот Кит Ричардс е строг татко: Ќерките не смеат да се шминкаат, а дечковците добиваат закани

Детали

вторник, 09 септември 2014

Многу деца сонуваат нивниот татко да биде рок ѕвезда. Но, да се расте со Кит Ричардс било кошмар за неговите ќерки. Александра и Теодора имале забрана да користат шминка, а често и нивните момчиња добивале закани од нивниот татко.

Неговиот заштитнички татковски инстинкт го правел да изгледа толку строг. Со оглед на сето она што го наоѓал и она што го поминал, знаел што може да ги снајде и неговите ќерки.

Токму затоа бил многу строг кон нив, внимавал на сè што прават, каде и како излегуваат и со кого се дружат.

Често дури и на нивните момчиња им се заканувал со цел да ги исплаши за да не направат нешто недозволено.

Кит Ричардсон живеел многу порочен живот, бил зависник од хероин, бил и во затвор, додека неговите ќерки мислеле дека е пожарникар, со оглед на целата пиротехника што ја гледале на концертите на Rolling Stones.

Но, тој секогаш бил отворен кон нив и можеле да го прашаат сè, бидејќи сметал дека низ медиумите може да видат и да прочитаат сешто, па нема зошто да се труди да крие.

Им правел тест за дрога и на ќерките, ги пратил во извиднички камп за да се научат на дисциплина и да се социјализираат на поинаков начин од уличниот.

Денес тие се успешни манекенки, но признаваат дека тешко било да се расте покрај татко рокер како Кит Ричардсон.