1) Џоан К. Роулинг

Џоан работела како секретарка, но била отпуштена затоа што премногу време на работа поминувала „во облаци“ планирајќи ја својата книга.

Подоцна се покажало дека причината поради која била отпуштена истовремено бил и нејзиниот пат кон успехот.

2) Ана Винтур

Во октомври 2010 година на конференцијата на „Вог“, Ана зборувала за тоа како е отпуштена:

- Работев за американскиот „Харперс Базар“ и ме отпуштија. Добро би било секој барем еднаш да биде отпуштен бидејќи тоа е многу вредно искуство.

3) Кејт Волш

Пред да биде забележана во „Приватна пракса“ и „Вовед во анатомијата“, била отпуштена како тинејџерка кога работела во „Бургер Кинг“.

- Не му се допаднав на помошникот управник – изјавила Кејт кога ја прашале за оваа случка.

4) Опра Винфри

Опра Винфри, која е денес позната ширум светот, била отпуштена кога работела во една телевизија.

- Ме исфрлија од дневникот на 1. Април 1977 година.

Генералниот директор ме повика во својата канцеларија и кога ми го соопшти тоа, мислев дека е во прашање првоаприлска шега.

5) Фелисити Хафман

Ѕвездата на „Очајни домаќинки“ била исфрлена од ‚‚Thunder Alley'' во 1993 година.

Тоа не ја спречило да освои голем број награди, меѓу кои се и „Еми“ и „Златен глобус“

Покрај тоа има и своја ѕвезда на холивудската патека на славните.