Анџелина Џоли за прв пат во јавност по мастектомијата

Детали

понеделник, 03 јуни 2013

Анџелина Џоли за прв пат по мастектомијата на двете гради се појави во јавноста на премиерата на филмот World War Z, заедно со својот сопруг.

Позади прекрасната Анџелина е доста тежок период. Откако ги отстрани двете гради, нејзината блиска тетка Деби почина токму од рак на градите. Меѓутоа, таа не ја симна насмевката од своето лице.

Анџелина на црвениот тепих беше пречекана со огромен аплауз.

“Се чувствувам прекрасно. На Бред му се заблагодарувам за целосната поддршка која ми ја пружи. Се разнежнувам кога зборувам за тоа колку беше прекрасен”, изјавила низ солзи, додавајќи дека е пресреќна што сите медиуми ја проширија нејзината приказна.

Таа е уверена дека ги охрабри сите девојки низ светот кои имаат исти проблеми.

“Како татко, најважно ми е да го држам семејството заедно. Анџелина за мене и децата направи премногу. Ја сметам за неверојатно храбра жена. Таа е мојата хероина” изјави Бред Пит.