Меколи Калкин скита како бездомник по улиците на Лондон

Детали

понеделник, 15 април 2013

Две момчиња доцна во ноќта биле навистина шокирани кога сфатиле дека човекот со кого зборувале во 2 и 30 по полноќ на една улица во Лондон не бил бездомник, туку Меколи Калкин, ѕвездата од хит филмот Сам Дома.

Со цигара во раката и црно налакирани нокти, на ќошот на една улица во 2 и 30, мулти милионерот изгледал како сосема обичен скитник.

„Најпрво, не го препознав – мислев дека е некој бездомник со цигара во раката.“ изјавил студентот Марли Спиндлер, кој воедно ги сликал неговиот пријател Дру и Меколи.

„Имавме краток разговор со него и неговиот акцент беше чисто Американски. За момент, Дру се загледа во него и го прша дали навистина тој е Меколи Калкин . Дури ни тогаш не бевме убедени, но сепак личеше.“

Дру додал, „Никогаш немаше да поверувам дека тој е истата личност која се појави во Сам дома. Зборувавме неколку минути и тој кажа дека е во Лондон за да види некои пријатели, зборувајќи многу тивко. Изгледаше малку изгубено. Да го видевте, ќе помислевте дека е некој случаен изгубен минувач, а не филмска ѕвезда.“

Ова не е прв пат да се слушнат вакви тврдења за менталната состојба на Меколи Калкин. Тој на кратко во 2004та година беше во затвор, заради поседување на дрога, а до неодамна се бореше со медиумските тврдења дека е опасен зависник од хероин кој има уште 6 месеци преостанати од животот.