Бијонсе проговори за бременоста

Детали

вторник, 15 јануари 2013

Дури и Бијонсе, како една од светски познатите ѕвезди, признава дека во својот живот има моменти кога и недостасува самодоверба.

„Луѓето ги гледаат ѕвездите како некој кој има многу пари и слава, но и јас сум живо суштество. Плачам, се плашам, често сум нервозна како и сите останати“ признава 31 годишната Бијонсе.

Животот е ништо друго освен сон е новиот документарец за најмоќната жена на оваа деценија, како што многумина ја доживуваат.

Ова е само едно од многуте признанија кои ги има. Бијонсе, која својата прва ќерка ја доби во јануари, Блу Ајви, исто така открива многу детали за нејзината бременост околу која имаше толку многу дискусии.

Едно од најсентименталните објаснувања е како таа открила дека е бремена.

„Имав чувство како нешто чудно да се случува“, вели таа. „Ова е навистина неверојатно.“

Таа раскажува и колку било тешко својата бременост да ја сокрие од јавноста, само неколку месеци пред објавувањето на MTV Video Music Awards.

„Сите постојано се обидуваа да ме облечат во најтесните парчиња облека, а истовремено да го сокријат стомачето. Беше многу мачно. Незнам како ќе го направам ова.“ беше нејзината изјава во моментот кога на сцената ја откри својата бременост.

На 16ти февруари во нејзиниот документарец се откриваат многу тајни за нејзиниот приватен живот, кој таа самата признава дека е многу тешко да го оддели од славата.