Златен Rolex, раскошен стан – Најскапите работи што ги поседува Барон Трамп

Детали

сабота, 12 април 2025

Неодамна, Барон Трамп беше забележан со златен Rolex часовник кој се проценува на скоро 50.000 долари. Кои се другите скапи работи што ги поседува?

Со татко кој „тежи“ неколку милијарди, а притоа е и претседател на САД, јасно е дека Барон Трамп ужива во раскошен живот.

Тој е најмалото дете на Доналд Трамп, како и единственото дете на Меланија, па од родителите сигурно добива што и да посака.

Иако има многу привилегии, Барон не делува како разгалено дете, а ова го велат и неговите колеги од факултет.

Сепак, 19-годишниот студент поседува некои работи кои чинат цело богатство.

Кои се најскапите работи што ги има Барон Трамп?

Златен Rolex часовник

Во март годинава, Барон Трамп беше по малку критикуван откако беше фотографиран со златен часовник од луксузниот бренд Rolex.

Часовникот, кој е направен од 14-каратно злато, се проценува на дури 47.800 долари, и токму цената предизвика лавина реакции.

Некои сметаат дека Барон, кој обично не се фали со богатството, е премногу млад за толку скап часовник и дека треба да покаже повеќе скромност како син на претседател.

Сепак, други сметаат дека не направил ништо погрешно и дека е сосема во ред да има луксузен часовник штом може да си ги дозволи.

Претходно тој е забележан со уште неколку модели на луксузни часовници кои чинат повеќе од 10.000 долари.

Живее во стан вреден неколку милиони

Барон Трамп живее во познатата зграда на татко му – Trump Tower.

Уште од детството, тој има цел кат од зградата кој е само негов.

Откако се запиша на факултет, тој живее во луксузен апартман во Менхетн кој се проценува на околу 100 милиони долари.

Иако не е познато дали становите се на негово име или во сопственост на Доналд, факт е дека Барон си ги користи како свои.

Луксузни имоти

Иако не се знае на чие име се становите, според некои извори, Барон поседува неколку луксузни домови, вклучувајќи куќа во Флорида која вреди 11 милиони, како и огромен имот во Њу Џерси кој вреди 19 милиони долари.

Дизајнерска облека

Додека беше помал, Барон беше облечен како најобично дете, а според извори блиски до семејството Трамп, носел релативно евтина облека, како маичка од 30-тина долари.

На папарацо фотките од кампусот на факултетот Барон иако изгледа средено, сепак не носи облека која делува многу скапо и не се фали со брендови.

Но, за важни настани, како инаугурацијата на татко му, носи скапи костими од неколку илјади долари.

Коњ во Монголија

Кога претседателот на Монголија ја посети Белата куќа за време на првиот мандат на Доналд, на Барон му подари необичен подарок – коњ.

Станува збор за коњ со педигре кој чини околу 70.000 долари.

Сепак, родителите на Барон одлучија дека е најдобро коњот да остане во Монголија, каде што ќе може да ја добие соодветната грижа од тамошните експерти.

Спирова С. | Црнобело