Ријана, засрами се!

Детали

четврток, 01 март 2012

Со неумесна твитер пресметка со своја обожавателка Ријана потврди дека парите и славата овозможуваат безброј нешта, но сепак не можат да ви...

...изградат карактер ниту да го заменат домашното воспитување. Т

аа покажа дека нема многу такт кога некој ја критикува, па не ни е јасно што бара на социјалните мрежи ако не сака да открие што имаат да кажат другите за неа.

Последниот пример каде со ниски удари се одбрани од нејзина (веќе поранешна) обожавателка пејачката само докажа дека нејзиниот имиџ е параван зад кој се крие дрско и вообразено детиште.

На коментарот од обожавателка дека веќе не ја почитува Ријана со забелешка дека „заедничка песна со тип што те претепал не изгледа добро“ најпаметното нешто што Ријана успеа да го смисли како одговор е „Па ни твојот аватар“.

Ако наместо одоговор пејачката стаса да ги суди луѓето според нивната профил слика на Твитер, претпоставуваме дека ни самата нема објаснување зошто соработува со насилниот Крис Браун. Особено незрел момент е постирањето слика на која Ријана пуши цигара со која веројатно сакала да покаже дека „кулира“ и не се замара. Нас ни личи дека вака само го докажа спротивното.

За мешаницата да биде поголема Ријана ја „поткажа“ девојката која се осмелила да даде свој коментар за јавната работа на ѕвездата и им ја посочи на слепо верните фанови кои ја нападнаа...