Сепак нема да му даде втора шанса на Бен Афлек – Џенифер Гарнер „уловена“ како се шета со дечкото

Детали

вторник, 08 октомври 2024

Беше на патување со Бен во Јапонија, заедно го прославија неговиот роденден, но очигледно, таа нема намера да му даде втора шанса на бракот со него. Џенифер Гарнер, сепак е лудо вљубена во дечкото, иако се плаши да стапи во брак со него.

Ништо од гласините дека Бен Афлек ќе се помири со бившата сопруга Џенифер Гарнер.

По веста дека тој се разведува од сопругата Џеј Ло, веќе почнаа да се шират гласините дека актерот може да ѝ даде втора шанса на љубовта со поранешната сопруга, со која има три деца.

Гласините за помирување почнаа да кружат уште пред Џеј Ло да поднесе документи за развод, откако Бен и Џенифер Гарнер во август заминаа на заедничко патување во Јапонија, a заедно го прославија и неговиот роденден.

По патувањето, тие заедно ја однесоа ќерката Вајолет на колеџ…

Со оглед на тоа што сè почесто се појавуваа заедно, во таблоидите веќе почнаа шпекулациите дека ќе се повтори историјата од 2003-та година, кога Бен ќе ја напушти „дивата“ Џеј Ло за да биде со „скромната“ Џенифер Гарнер.

Но, по сè изгледа, нема ништо од помирувањето.

Во PageSix се објавени фотки на кои се гледа дека Џенифер сè уште ужива во љубовта со дечкото Џон Милер, со кого е заедно од 2018-та година.

Познато е дека тие двајца накратко беа разделени во 2020-та година, а причината за тоа била тоа што Џенифер не се чувствува подготвена пак да влезе во брак.

На најновите фотки, Џенифер и Џон се шетаат низ Брентвуд Парк во Лос Анџелес, фатени за рака и насмеани.

Фотките се доказ дека Џенифер нема намера да му се врати на поранешниот сопруг, иако се шпекулираше дека нејзиниот дечко Џон бил мошне уплашен откако се дозна за разводот на Бен и Џеј Ло.

Погледнете повеќе фотографии во продолжение:

Б. С. Б. | Црнобело