Славни личности кои се венчаа без предбрачен договор (и платија скапо за тоа)

Пол Мекартни и Хедер Милс

Пол Мекартни и неговата втора сопруга се венчаа во 2002-ра, а се разведоа шест години подоцна.

Немаа предбрачен договор и кога ќе се земе предвид богатството на Пол, можеби не е чудно што Хедер побарала многу пари.

Тој период, Хедер била сигурна дека пејачот има богатство од околу 1,6 милијарди долари и побарала дури 250 милиони од него.

Сепак, пејачот имал „само“ 800 милиони и на крај ѝ исплатил 48 милиони.

Покрај тоа, плаќал и алиментација – 70.000 долари годишно – за нивната ќерка.

Мајкл Џордан и Хуанита Ваној

Кошаркарот и Хуанита беа во брак 17 години и немаа предбрачен договор.

А, бидејќи Мајкл стекна најголем дел од богатството додека беа заедно, Хуанита побарала огромна сума.

На крај, кошаркарот ѝ исплати скоро 170 милиони долари на Хуанита.

Арнолд Шварценегер и Марија Шивер

Арнолд и Марија беа во брак 25 години, во период кога актерот стекна голем дел од своето богатство.

А, тоа што немаа предбрачен договор и ја изневери Марија со куќната помошничка не му помогнало на суд.

Разводот на Арнолд и Марија „се влечеше“ цела деценија и се финализира дури во 2021-ва.

На крај, Марија доби 50% од целото богатство на актерот, вклучително и половина од парите во неговиот пензиски фонд.

Мел Гибсон и Робин Гибсон

Мел и Робин се венчаа во 1980 година, кратко пред тој да почне да се прославува, па веројатно затоа не ни помислиле на предбрачен договор.

Но, до разводот во 2011-та, актерот веќе имаше богатство од 850 милиони долари.

А, бидејќи беа во брак кога тој ги заработи парите, половина ѝ припаѓаа на Робин. Односно, актерот ѝ исплати нешто повеќе од 400 милиони долари.

Спирова С. | Црнобело