Опасни лекови и операции – Низ што поминуваат старлетите откако зголемените задници веќе не се во мода?

Напорни вежби за топење на мастите

Британската ријалити ѕвезда Холи Хејган имала три процедури за бразилски лифтинг на задникот, а сега отворено зборува за процесот додека сама се обидува да ги врати работите во нормала, и тоа по природен пат.

Откако стана мајка минатата година, таа е посветена со помош на вежби да ги стопи мастите што ѝ ги вбризгаа во задникот.

„Вистината е дека треба да живеам со испуштена, сплескана торба со масти на задникот и нема шанси пак да одам на операција за да го поправам тоа што сама си го направив и сега ќе живеам со грешките“ – изјави таа.

Но, само неколку месеци по породувањето, таа успеа да го намали обемот на задникот за цели 23cm, што е импресивно.

Нова операција за отстранување

Уште една позната дама со зголемен задник е Лaтиша Грејс, учесничка на ријалити шоуто The Valleys на MTV.

Таа замина на операција во Турција, каде со помош на липосукција треба да ѝ ги извадат мастите од задникот.

„Долго време сакав да се ослободам од задникот и се обидував тоа да го направам на природен начин.

Изгубив голем број килограми, одев во теретана секој ден и што и да направев, без разлика колку и да ослабам, не успевав да го стопам задникот“ – вели таа.

Сепак, слично како што операцијата за бразилски лифтинг на задникот е една од најопасните, подеднакво опасна е и процедурата за отстранување на мастите од задникот, затоа што може да дојде до сериозна повреда на мускулите во задникот.

Б. С. Б. | Црнобело