Том Круз (61) се соблече и покажа како навистина изгледа неговото тело – Гласини дека правел липосукција

Детали

четврток, 16 мај 2024

„Испуштената кожа на Том Круз може да биде знак дека правел липосукција“ – тврди естетски хирург, откако фотките на кои актерот е без маичка станаа хит на социјалните мрежи. Дали неговиот изглед е поради возраста или, пак, естетска процедура?

Некогаш важеше за огромен заводник кој гордо ги покажуваше своите извајани стомачни мускули, но на најновите папарацо фотки од Шпанија може да се забележи дека Том Круз не е имун на времето и годините.

Тој навлезе во седмата деценија од животот, а иако се труди да се скрие, видливо е дека годините оставиле трага врз неговото тело и дека никој не може да се бори со времето и промените што ги носи.

Актерот кој во моментов работи на снимањето на филмот Mission Impossible 8, викендов зеде пауза за да се одмори на плажа во Мајорка, а фотките на кои позира гол и без маичка станаа хит на социјалните мрежи.

На фотките се гледа дека иако актерот има стомачни, мака мачи со испуштена кожа на стомакот и околу папокот.

Доктор Дејвид Хил од Чикаго даде изјава за Daily Mail и рече дека според него, изгледот на телото на Том најверојатно е резултат на липосукција, односно процедура за отстранување на масното ткиво од стомакот.

„Кога правите липосукција, затоа што станува збор за брза постапка, телото нема време да се 'собере'...

Па така, испуштената кожа на Том Круз може да биде знак за ваква процедура“ – вели тој.

Според него, и покрај видливите знаци, јасно е дека процедурата  била успешна, затоа што може да се види дека под испуштената кожа сѐ уште ѕиркаат извајаните стомачни мускули на актерот.

Според други лекари, пак, не мора да значи дека Том имал липосукција, туку само се гледа дека старее и неговата кожа ја загубила еластичноста.

„Посебно кај мажите може да се случи кожата во пределот околу градите, под градите, околу ребрата и стомачните мускули да ја загуби еластичноста“ – тврди д-р Хауард Собел од Њујорк.

Том Круз во 2010

Со најновите фотки, Том Круз ги подгреа гласините за козметичките процедури, иако во минатото тврдеше дека неговата извајана фигура се должи на големиот број спортски активности со коишто се занимава.

Погледнете повеќе фотки од Том Круз во галеријата:

• 
• 
• 
• 
• 
• 
• 
• 
• 
•  

Б. С .Б. | Црнобело