Хејли и Џастин Бибер ќе станат родители – ги објавија првите труднички фотки

Детали

четврток, 09 мај 2024

По големиот број здравствени проблеми и стресови, конечно убави вести од Џастин и Хејли Бибер. Сосема ненадејно парот објави фотографии со кои покажа дека наскоро семејството ќе добие уште еден член.

Џастин Бибер (30) и неговата сопруга Хејли Бибер (27) го очекуваат првото дете. Парот ги сподели убавите вести на Инстаграм.

Хејли објави фотографии од нивното повторување на брачните завети на кои носи долг бел фустан од тантела и во еден миг камерата се спушта и се фокусира на нејзиниот труднички стомак.

Освен тоа таа објави и неколку фотографии на кои гордо позира и го покажува стомакот, а Џастин ја фотографира.

Тие заедно позираа на поле, а канадскиот пејач гордо ја држи саканата околу стомакот.

За потсетување, Хејли и Џастин стапија во граѓански брак во 2018-та година во Њујорк, само два месеци откако се свршија, а потоа направија голема прослава за семејството и пријателите.

Во претходно интервју Хејли рече дека со нетрпение очекува да стане мајка. Во октомври ја прашаа како ги коментира гласините дека е бремена, кои таа веднаш ги отфрли и рече дека навистина ѝ е непријатно што секојпат кога се бори со подуеност на стомакот веднаш почнуваат гласините за нов член во семејството.

Парот имаше мошне тежок период во изминатите години, откако пејачот минатата година имаше парализа на лицето предизвикана од редок синдром, а неговата сопруга имаше мозочен удар.

Прочитајте и Љубовната приказна на Џастин и Хејли Бибер - ја оставил за Селена Гомез, имал зависности како татко ѝ

Б. С. Б. | Црнобело